Тений октябрь тылзыште У Торъял районышто у модельный библиотекым ыштен шуктат. Тудым «Культура» национальный проект дене чоҥат. Кодшо кечылаште Марий Элыште тӱҥ федерал инспектор Павел Волков  тушто паша кайымым  аклен. Тыгак тудо Юл кундемысе федерал округышто Россий Президентын ӱшанеҥын кӱштымашыже дене калык дене вашлийын. Приемышто район администраций да У Торъял районын прокуратурыж гыч еҥ-влак лийыныт. Районышто илыше-влакым тӱрлӧ йодыш тургыжландара: яллашке газым пуртымо, «школ маршрут» дене  корным ыштыме да молат. Районышто илыше ик еҥ У Торъялыште физкультур-спорт комплексым ыштен шуктымо шотышто тургыжланен йодын. Объектым 2012 ийыштак ышташ тӱҥалыныт, но 2016 ийыште ыштымым чарненыт. 

Сентябрь тылзыште Марий Элыште Красный стекловар поселкышто чоҥымо психоневрологий интернатын у корпусшым ыштен шуктат. Тудым «Демографий» национальный проект дене «Кугырак тукым» проект дене ыштат. У корпусышто 100 еҥ илаш тӱҥалеш. Таче кечын объект 87 % ямде. Кызыт тушто у мебель да оборудованийым вераҥдат. Вес тылзыште интернат пӧртсийым палемда. 

Йошкар-Олаште магистральный объездной корным улшо план дене келшышын ыштат. Регион вуйлатыше А.Евстифеев Киров-Строителей уремым ушышо корным ыштымаште лийын. Ик арня ончыч регион вуйлатыше генеральный подрядчиклан «дорожный картым» жапыште огыл шуктымо шотышто шижтарен. Тунам А.Евстифеев пашам писештараш да график дене келшышын шукташ кӱштен. 

Республикын 100 ийже вашеш курыкмарий йылме дене антологий-влак лектыныт. Марий книга савыктыш ныл книгам луктын. Тиде «Калевала» - карел да финн калык-влакын эпосшо. Тудым шке жапыштыже курыкмарий йылмышке Геннадий Матюковский кусарен. Марий автономийын 100 ийже вашеш лукмо вес книга- палыме  писатель Мишши Юхма дене возымо йомак-повесть. Эше ик антологийышке  Российыште илыше финн-угор писатель-влакын сылнымутыштым пуртеныт. Ныл книгамат ик дизайн дене ыштен, моткоч чот сылнын сӧрастареныт. 

МЭТР телеканалыште лекше передаче-влак шукемыт. Шочмо 31 август гыч тудо у паша радамышке кусна, у тургымым тӱҥалеш. Марий йылме дене передаче–влак 6 шагатлан тӱҥалыт, 6.30 минутлан «Тыланем мый тыланет» у программым ончыза, тушко саламлымашым кажныже колтен кертеш. Кажне паша кечын вӱдышӧ-влак Лира Матвеева, Наталья Ямаева да Жанна Федорова ончышо-влакын мурсаламыштым намиен шуктат. 7 шагатлан «Утро на МЭТР»  тӱҥалеш, руш йылме дене лекше эр эфирым ончыза. 

Республикыште шуко пачеран 1400 наре пӧрт да учреждений йӱштӧ толмо жаплан ямде. Илымвер-коммунал озанлыкын шокшым пуымо жаплан ямде улмыжо нерген Российысе регион-влакым вияҥмышт шотышто Правительственный комиссий президиумын онлайн- заседанийыштыже каҥашеныт. Тачысе кечылан республикыште шуко пачеран 3 тӱжем утла пӧрт да 443 котельный ямде. 

Марий Элышке грипп дечын вакцинын икымше партийже толын. Санитар врач-влаклан 40 тӱжем утла дозо вакцине толын. Тиде йоча-влаклан кӱлмо йодмаш гыч 50 %. Икмыняр жап гыч кугыеҥ-влаклан вакцине толеш. Прививкым сентябрь тӱҥалтыште ышташ тӱҥалыт. Тидыже вес арняште. Ончыч привикым йоча-влаклан шындаш тӱҥалыт. 

В рамках федерального проекта «Успех каждого ребенка» нацпроекта «Образование» в 45 образовательных учреждениях республики будет создано 3072 новых места дополнительного образования.

Сегодня комиссией по работе с самовольно (незаконно) установленными нестационарными объектами составлены акты осмотра нескольких гаражей, расположенных в городских дворах.

В предстоящем учебном году родителям учеников максимально ограничат доступ в школы. Их будут пускать только в крайнем случае, а родительские собрания перенесут в онлайн-режим. Об этом заявили в Роспотребнадзоре.