Марий Эл Телерадио » Материалы за 04.09.2020 » Страница 2
Марий Эл Радио

Шкетан лӱмеш марий драме театрын артистше-влак Крымышке чоҥештеныт

  • Дата: 19:47, 4-09-2020
  • Просмотров: 613

  Шкетан лӱмеш марий драме театрын артистше-влак Крымышке чоҥештеныт. Тушто «Крымская театральная осень» Российысе национальный театр-влакын фестивальже эрта. Тудо Сеҥымашын 75-ше идалыкшылан пӧлеклалтын. Марий театрын артистше-влак 5 сентябрьыште Керчь оласе «Корабел» тӱвыра полатын сценыштыже Александр Островскийын «Снегурочка» спектакльжым ончыктат.  Фестивальышке тыгак Чеченский республике, Калмыкий, Татарстан, Чуваший, Тува, Башкортостан, Карелий гыч коллектив-влак чумыргеныт. Тушто руш да совет жапысе классик-влакын произведенийышт дене спектакльым ончыктат.


Марий Эл Радио

17 еҥын коронавирус пеҥгыдемдалтын

  • Дата: 19:44, 4-09-2020
  • Просмотров: 580

Марий Элыште кажне кечын коронавирус дене черланыше еҥ-влак тиде шучко черым сеҥат. Тидын годым инфекционный стационарлаште эмлалтше-влакын чотшо огеш шагалем, пытартыш кечылаште шукемеш веле. Таче кечын коронавирус але тудын лийын кертме лӱдыкшӧ дене стационарыште 370 утла еҥ эмлалтеш. Шуко еҥын пневмоний. Пандемий тӱҥалме дечын вара республикыште 40 утла еҥ тиде черлан кӧра ӱмыр лугыч лийын. Кече еда специалист-влак 15-17 еҥлан «коронавирус» диганозым шындат. Тачысе эрлан 17 еҥын тиде диагноз пеҥгыдемдалтын. Стационарлаште 374 еҥ эмлалтеш.


Марий Эл Радио

Йошкар-Олаште грипп дечын прививкым ыштен кертыт

  • Дата: 19:40, 4-09-2020
  • Просмотров: 499

Рушарнян кумылан-влак Йошкар-Олаште грипп дечын прививкым ыштен кертыт. Кажне каныш кечын 6, 13, 20 да 27 сентябрьыште грипп дечын прививкым ышташ лиеш. Тӱҥжӧ пелен полис да, уло гын, прививочный сертификат лийшаш. Вакцинацийым эртарыме жап-  9 гыч 13 шагат марте. 1-ше номеран поликлиникын автомашиныштыже «Прививки от гриппа» возымым ужаш лиеш. 7 сентябрь гыч кумылан-влак Поликлиникын 3-шо номеран филиалыштыже , а тудо Вашский урем – 7 адрес дене верланен, кажне кечын прививкым ыштен кертыт. Прививкым яра шындат. 


Марий Эл Радио

Волжскышто школын у корпусшым почшаш улыт

  • Дата: 19:35, 4-09-2020
  • Просмотров: 475

Волжскышто школын у корпусшым почшаш улыт. Тыгак оласе йӧнан средам ыштыме шотышто российысе конкурсышто сеҥыме проектым илышышке пурташ палемдат. Регион вуйлатыше Александр Евстифеев 5-ше номеран школын чоҥалтше кокымшо черетшым ончалын. Тушто пашам лишыл жапыште мучашлат. Икмыняр жап ончыч регион вуйлатыше Волжскыш миен. Тидын дечын вара школышто у оборудованийымат вераҥдаш тӱҥалыныт. Александр Евстифеев физике, химий, биологий кабинет, актовый да спортивный залым ончен, школ йыр кумдыкым аклен. 


Лента новостей / Политика

На что жители Марий Эл чаще всего жалуются в соцсетях?

  • Дата: 19:20, 4-09-2020
  • Просмотров: 508
В регионе работает автоматизированная система мониторинга социальных сетей. Она анализирует пять площадок: Вконтакте, Одноклассники, Фейсбук, Инстаграмм и Твиттер.