В московском метро открылась фотовыставка, посвященная 100-летию Республики Марий Эл
- Дата: 20:28, 15-09-2020
- Просмотров: 613
Москваште «МетрО» галерейыште марий кундемын 100 ийжылан пӧлеклалтше ончер почылтын. Тудын авторжо - фотосӱретче Денис Речкин. Тушто автор Российын тӱрлӧ кундемлаштыже илыше марий-влакым ончыктен. Угарман гыч Екатеринбург марте, тыгак Российыште илыше марий-влакын вияҥ толмо корныштымат фотосӱрет гоч ужаш лиеш. Тыге, «Выставочная» станций гоч эртыше-влак Пеледыш пайремым, марий кочкышым, марий сӱаным фотосӱретлаште ужын да марий калыкын ойыртемже дене палыме лийын кертыт.
Аналитик-влак Марий Эл Кугыжаныш Погын депутатын кокла ийготшым шотлен луктыныт. Интернет-исследований рӱдерын данныйже дене, Российыште законодательный органлаште каҥашыше-влакын кокла ийготышт 53 ий. Марий Элыште - 51. Республикысе парламентыште эн самырык депутат 24 ияш, эн илалшылан 78 ий. Марий Эл Кугыжаныш Погынышто утларакше депутат-влак радамыште пӧръеҥ-влак улыт. Законодательный органлаште каҥашыше-влакын ийготыштым ончалаш гын, Хабаровский крайыште депутатлан кокла шот дене 46 ий, а теве Калужский областьыште парламентыште 59 ияш улыт.
Йошкар-Оласе «Благовещений башне» тӱвыра ончер-рӱдерыште «Поликультурный карте – Советский район» оҥай ончер почылтын. Тудо кугыжаныш калыкле политике программе почеш эртаралтеш да Марий Элын шушаш 100 ияш лӱмгечыжлан пӧлеклалтеш. Ты ончер, 15-ше да пытартыш.
Российын сулло сӱретчыже Никас Сафроновын персональный выставкыже почылтын. «Осень впечатлений» выставкышке Россий художество академийын академикше, профессор 60 пашажым конден. Тиде тӱрлӧ сӱрет: пейзаж, натюрморт, сюрреалистический композиций-влак. Художникын пашаже-влак поснак ойыртемалтше улыт.
Республикысе курчак театрын «Йӱд орол» спектакльже черетан фестивальыште Гран-При дене палемдалтын. Екатеринбург олаште «Великий Петрушка» тӱнямбал кӱкшытан фестиваль эртен. Республикысе курчак театрын артистше-влак Екатеринбург олаште «Йӱд орол» спектакльым ончыктеныт. Тушко элнан тӱрлӧ регионлаж гыч курчак театр-влак чумыргеныт. Тиде Ульяновск, Санкт-Петербург, Ижевск, Киров гыч коллектив-влак. Марий Эл республикысе курчак театр «Йӱд орол» этнофутуристический мистерийым кок кече ончыктен. Ешарен кодена, тиде спектакль «Золотая маска» премийлан кум номинаций дене номинант. Тыгак тиде спектакль кодшо ийын «Йошкар-Ола театральная» фестивальыште гран-при дене палемдалтын. Тиде спектакльым курчак театрын художественный вуйлатышыже, Марий Эл сымыктышын сулло деятельже Алексей Ямаев шынден. Спектакльыште марий фольклор негызеш йӱла, кызытсе пагытын ойыртемже ончыкталтыт. Екатеринбург олашке курчак театрын артистше-влак республикын 100 ийже вашеш миен коштыныт.
Илымвер коммунал суаплыклан еҥ-влак шке парышышт гыч луымшо ужашыжым тӱлат. Тидым «Новости» увер агентстве шымлен. Ӱмаште еш-влак ик тылзыште коммунал суаплыклан 5 тӱжем утла тенгем тӱленыт. Регион-влакын рейтингыштым ончалаш гын, Камчаткыште ЖКХ эн шерге, тушто ик тылзыште 9 тӱжем наре тӱлат. А теве Горный Алтайыште коммунал суаплык шулдо. Тиде роскот ик тылзыште 2 тӱжем теҥгешке шуэш. Марий Эл тиде рейтингыште 66 верыште. Кодшо ийын республикыште илыше-влак коммунал суаплыклан 3 тӱжемат 500 тенге оксам пытареныт.