Марий Эл Телерадио » Материалы за 17.09.2020 » Страница 4
Марий Эл Радио

Ялозанлыкыште шуко ий пашам ыштымылан республикыште 11 тӱжем утла еҥлан пенсийышкыже ешарен тӱлат

  • Дата: 11:54, 17-09-2020
  • Просмотров: 472

Ялозанлыкыште шуко ий пашам  ыштымылан республикыште 11 тӱжем утла еҥлан пенсийышкыже ешарен   тӱлат. Регионысо пенсий фондын данныйже дене, идалык тӱҥалтыш гыч республикыште «ялысе» манме стажым 1373 пенсионерлан палемденыт. Тыгайже  республикыште чылаже 11 тӱжемат 406 еҥ погына. Тыгодым ялозанлыкыште 30 ий дечын шагал огыл  пашам ыштыман, ялыште илыман да сулен налме канышыш лекмек пашам ыштыман огыл. 


Марий Эл Радио

Регионышко Covid-19 ваштареш 588 дозо вакциным кондат

  • Дата: 11:51, 17-09-2020
  • Просмотров: 449

Лишыл жапыште регионышко Covid-19 ваштареш 588 дозо вакциным кондат.  Прививкым эн ончыч медпашаеҥ-влаклан ыштат. Тидын нерген Оперативный штабын черетан заседанийыштыже тазалык аралымаш министр Марина Панькова увертарен. Коронавирус ваштареш вакциным аралымаште йодмаш уло, тудым 18 градус йӱштыштӧ аралыман. Шулыктарымеке, 30 минут жапыште шынден шуктыман. 


Марий Эл Радио

Шкетан театр шке тургымжым 24 сентябрьыште почеш

  • Дата: 11:50, 17-09-2020
  • Просмотров: 619

Шкетан театр шке тургымжым 24 сентябрьыште почеш. Тидын вашеш журналист-влаклан  пресс-конференцийым эртареныт. Тиде кечынак  «Майатул» фестиваль  тӱҥалеш. Тенийысе тургымлан театр  кӱлынак ямдылалтын. Лишыл тылзылаште артист-влак Володя Матвеевын пьесыже почеш шындыме «Ава капитал» комедийым, В. Гуркинын «Прибайкальская кадриль» пьесыж негызеш ямдылыме «Еҥ марий-вот марий» комедийым, «Унчышко тулан йолгорно» документальный драмым, тыгак  наркотик ваштареш кучедалме темылан пӧлеклалтше «Короткий день» хронике шотан пашам   ончыктат.  Тыгак Степан Пектеев ««Folks» инсценировкым ямдыла, Зинаида Долгован инсценировкыжо дене «Пампалче» музыкальный йомакым шындат, «Кӱдырчан ӱжара», «Гамлет» спектакль-влакат лекшаш улыт. Тений театрыште Шкетан-садым почыныт, тыгак Цех-зал пашам ышта. Театр тургымым артист-влак «Окса тул» комедий дене почыт. Тудым Василий Пектеев шынден. 


Марий Эл Радио

Врач-влак маскым чияш да дистанцийым эскераш темлат

  • Дата: 11:46, 17-09-2020
  • Просмотров: 440

Врач-влак маскым чияш да дистанцийым эскераш темлат. Тидын нерген регионысо оперативный штабын черетан заседанийыштыже ушештареныт.

Роспотребнадзорын вуйлатышыже Светлана Булатова палемден, пытартыш жапыште республикыште КОВИД-19 дене тӱшка черланымаш лийын огыл. Тидлан йочасадлаште персоналын тестированийым эртыме, пищеблоклаште санитар правилым тӱткын эскерымаш, школлаште мониторинг сай лектышым пуа. Тыге мутлан, йочасадысе 23 пашаеҥын тестированийым ыштымеке, коронавирус пеҥгыдемдалтын, иктыжынат черланымаш пале лийын огыл.


Марий Эл Радио

Коронавирусан пациент-влакым эмлыше медицин пашаеҥ-влаклан стимулирующий выплатым эше ик тылзылан шуеныт

  • Дата: 11:44, 17-09-2020
  • Просмотров: 500

Коронавирусан пациент-влакым эмлыше медицин пашаеҥ-влаклан стимулирующий выплатым эше ик тылзылан шуеныт. Ончысо семынак, отпускной оксам шотлымо годымат, тиде палемдалташ тӱҥалеш. Медицин пашаеҥ-влаклан полышым Президент ойыраш кӱштен. Оксам правительствын резерв фондшо гыч ойырат. 


Марий Эл Радио

Марий Элыште санитарный авиацийын вертолётшо икымше пациентым Козьмодемьянск гыч Йошкар-Олашке конден

  • Дата: 11:42, 17-09-2020
  • Просмотров: 409

Марий Элыште санитарный авиацийын вертолётшо икымше пациентым Козьмодемьянск гыч Йошкар-Олашке конден. Юл эҥер серысе ола гыч эмганышылан республикысе клинический больницыште операцийым ыштеныт. Марий Эл Республикыште авиационный услуго-влакым «Здравоохранений» национальный проектын первичный медицин-санитар полышым вияҥдыме программе дене шуктат. Тидлан «Русские вертолетные системы» акционер ушем дене контрактым ыштеныт. 


Марий Эл Радио

Эрик Сапаев лӱмеш опер да балет театр шке 53-шо тургымжым почын

  • Дата: 11:40, 17-09-2020
  • Просмотров: 480

Эрик Сапаев лӱмеш опер да балет театр шке 53-шо тургымжым почын. Тиде кечылаште олаштына Галина Уланова лӱмеш фестиваль тӱҥалын. Тений «Бахчисарайский фонтан» балетын премьерыжым ончышо-влаклан темленыт. Хореографийын да либреттон  авторжо, постановщик Константин Иванов. Тудак спектакльыште тӱҥ партийым-Гирей ханым - куштен. Тудым сценыште калык шукертак ужын огыл, садланак Константин Иванов ончычсо семынак калыкын чонжым савырен. 


Марий Эл Радио

Туныктышо-влак у тунемме ий гыч классым вуйлатымылан ешартыш шийвундым налыт

  • Дата: 11:34, 17-09-2020
  • Просмотров: 510

Республикыште 4 тӱжем утла туныктышо у тунемме ий гыч классым вуйлатымылан ешартыш шийвундым налеш. Ик тылзылан 5 тӱжем теҥге. Тиде оксам федерал бюджет гыч ойырат, тыгодым улшо выплате-влакат аралалт кодыт. Тидын нерген Россий просвещений министр Сергей Кравцовын координационный погынымаштыже ойленыт. Тудо видеоконференций йӧн дене эртен. Тудын пашашкыже регион вуйлатыше Александр Евстифеев ушнен.



Лента новостей / Общество

В региональных стационарах 104 пациента лечатся от коронавируса

  • Дата: 11:34, 17-09-2020
  • Просмотров: 556

По данным минздрава Марий Эл, накануне в больницы с подозрением на Covid-19 госпитализированы 39 человек. Выписаны домой в связи с выздоровлением 48 пациентов.