Марий Эл Телерадио » Материалы за 05.10.2020 » Страница 3
Марий Эл Радио

5 октябрь - туныктышо-влакын кечышт

  • Дата: 13:54, 5-10-2020
  • Просмотров: 646

5 октябрьыште туныктышо-влакын пайремышт. Таче кечын республикыште 251 школлаште 6 тӱжем утла туныктышо пашам ышта. У тунемме ий Владимир Путинын темлымашыже дене национальный проект дене  икмыняр сай вашталтышым пуртен. Йошкар-Олаште у школым, республикыште «Точки роста» рӱдер-влакым 15 вере почыныт, лишыл жапыште Волжск олаште школын у корпусшым ыштен шуктат, тунемме вер-влаклан компьютерым, пищеблоклашке у техникым налыныт. 


Марий Эл Радио

Сӱретче Любовь Ткаченко марий вургеман ӱдырым сӱретлен да стикер-влакым ыштен

  • Дата: 13:46, 5-10-2020
  • Просмотров: 503

Марий Эллан 100 ий темме вашеш Курыкмарий район гыч сӱретче Любовь Ткаченко марий вургеман ӱдырым сӱретлен да стикер-влакым ыштен. Нуным телеграмм мессенжерыште кучылташ лиеш. Ик кечыште гына стикер-влакым 200 утла еҥ шке телефонышкыжо арален. Тыгак кумылан-влак стикер-влакым вес мессенжерлаштат кучылтын кертыт. 


Марий Эл Радио

Озаҥ олаште Марий кундемын сылнылыкшылан пӧлеклалтше фотоончер почылтын

  • Дата: 13:44, 5-10-2020
  • Просмотров: 453

Озаҥ олаште Кремлевский набережныйын стендлаштыже Марий кундемын сылнылыкшылан пӧлеклалтше фотоончер почылтын. Тушто турист-влаклан республикын сылне верлажым ончыктат. Тиде выставкым республикын 100 ийже лӱмеш почыныт, тудо 30 октябрь марте шуйна. Фотоончерын стендлаштыже марий пайрем, тӱвыра ойыртем, калык сий, Йошкар-Олан сылне верлаже дене фото-влак улыт. 


Марий Эл Радио

Марий Элыште «Йошкар-Ола театральная» фестиваль эрта

  • Дата: 13:43, 5-10-2020
  • Просмотров: 670

«Йошкар-Ола театральная» фестиваль тӱҥалын. Ты марте тудо театр-влакын тӱнямбалсе кечышт вашеш, мартыште эртен, но тений пандемийлан кӧра, тудым шыже пагытышке кусарыме. Икмыняр кече жапыште Марий кундемыште пашам ыштыше театр-влак шке пашаштым ончыктат. Фестивальым Майоров Шкетан лӱмеш марий кугыжаныш драме театр «Йыван Кырля.Путевка в жизнь» спектакль дене почын. Фествивальыште Республикысе курчак театр, курыкмарий театр, Константинов лӱмеш руш драме, Марий самырык, Эрик Сапаев лӱмеш опер да балет театр-влак пытартыш турыгымшто ямдылыме пашаштым аклаш луктыныт. «Йошкар-Ола театральная фестивальым» 8 октябрьыште пайремлын мучашлат. Тунамак Йыван Кырля лӱмеш театр премийым кучыктат. 


Марий Эл Радио

Август да сентябрь тылзылаште республикыште 1192 икшыве шочын

  • Дата: 13:41, 5-10-2020
  • Просмотров: 439

Август да сентябрь тылзылаште республикыште 1192 икшыве шочын. Тиде жапыште 737 у еш шочын. Кӧргӧ политике да юстиций министерствын палдарымыже дене, 600 эрге, да 592 ӱдыр шочын. Тӱҥ шотышто ача-ава-влак шке икшывыштлан Артем, Илья, Матвей, Максим, Егор, Роман, Андрей, Иван лӱм-влакым пуэныт. Ӱдыръеҥ-влаклан гын Анна, София, Екатерина, Мария, Ева, Елизавета, Арина, Ксения, Виктория. Шуэн вашлиялтше лӱмымат пуэныт. Тыге мутлан Адам, Аксар, Аким, Данис, Евсей, Замир, Мирослав, Серафим, Стефан, Сэм, Тихон, Тихомир.


---

Марий Элыште ятыр туныктышо сулен налме канышыштат пашам ышта

  • Дата: 13:39, 5-10-2020
  • Просмотров: 540

Марий Элыште ятыр туныктышо сулен налме канышыштат пашам ышта. Пенсий фондышто палемдыме дене, тиде сулен налме канышыште улшо-влак гыч 56%. Туныктышо-влак страховой пенсийым моло дечын ончыч налын кертыт. Тудлан 25 ий стаж кӱлеш. Таче кечын тыгай пенсийым 8134 педагог налеш. Кокла шот дене, тиде 12257 теҥге. Регионысо пенсий фондышто ушештарат, пенсийыш лекме ийгот кугемме дене, 2022 ий дечын вара туныктышо-влаклан пенсий 25 ий педагогике стаж дечын вара тӱлалташ тӱҥалеш. Тыгодым ончылгоч лекше-влак пашамат ыштен кертыт.