Погода в Йошкар-Ола:
Марий Эл Телерадио » Материалы за 07.10.2020
Марий Эл Радио

Марий Элыште ойыртемалтше пӱртӱс объектлаште пале – знак-влакым шынденыт

  • Дата: 17:21, 7-10-2020
  • Просмотров: 192

Марий Элыште ойыртемалтше пӱртӱс объектлаште пале – знак-влакым шынденыт. Кызыт тиде 8 вер. Тидын нерген регионысо пӱртӱс ресурс министерстве увертара. Инфо-щит, аншлаг-влакым республике кӱкшытан пӱртус памятник чекыште шынденыт, тыгак «Моркинский» заказникым, да шукерте огыл ышталтше «Пошкит Куп» пӱртус памятник-влакым  палемденыт. Марий Элыште таче кечын 10 кугыжаныш пӱртӱс заказник, республике кӱкшытан 10 пӱртус памятник уло. 


Марий Эл Радио

Ир янлык-влаклан кӧра лийше корно туткар-влак шукемыт

  • Дата: 17:20, 7-10-2020
  • Просмотров: 235

Ир янлык-влаклан кӧра лийше корно туткар-влак шукемыт. Сентябрь тылзыште республикыште 15 тыгай азап лийын. Эн шукыжо 7 гыч 9 шагат кас марте. Тыге мутлан, кодшо кечылаште корно туткарышке 23 ияш самырык еҥ логалын. Чыла тидым шотышко налын, кугыжаныш автоинспекций машинам виктарыше-влаклан тӱткӧ лияш темла. «Ир янлык» корно палым ужыда гын, эркынрак кудалза. Янлыкым тӱкен каен улыда гын, Пӱртӱс ресурс министерствышке але районысо инспекторлан йыҥгыртыза. 


Марий Эл Радио

Чодыралаште тений кеҥежым 35 пожар лийын

  • Дата: 17:18, 7-10-2020
  • Просмотров: 240

Чодыралаште тений кеҥежым 35 пожар лийын. Тышечын 31 чодыра фондын кумдыкыштыжо, оборна да лӱдыкшыдымылык мландыште 2, федерал кӱкшытан верыште 2 тулазап лийын. Тул 20 гектар ужар кумдыкым авалтен. Тулын ылыжме тӱҥ амал-еҥ-влакын титакышт. 35 тулазап гыч 32-жо айдемын титакшым палемдат. Кукшо игече озаланыме жапыште,   тулым эскерен кучылтман. Чодыра пожарым шекланен шуктымеке, Пӱртӱс ресурс министерствын диспетчер службышкыжо йынгыртман: (8362) 56-65-35, але Чодра охранын вияш линийышкыже 8-800-100-94-00.


Марий Эл Радио

2019 ийыште республикыште 2144 врач пашам ыштен

  • Дата: 17:16, 7-10-2020
  • Просмотров: 230

Маристат палдара: 2019 ийыште республикыште 2144 врач пашам ыштен, тышечын терапий профиль дене 553 еҥ, хирургий дене 224, 129 акушер-гинеколог, 246 педиатр, 53 офтальмолог, 95 невролог, 180 стоматолог, рентгенолог да радиолог-влакын чотышт 82-ыш шуэш. Кодшо ий дене таҥастарымаште тений стоматолог, терапевт, хирург-влакын чотышт шукемын, а теве педиатр, гинеколог да невролог-влак шагалемыныт. Кодшо ийын Республикыште илыше 10 тӱжем еҥлан шотлымаште 32 врач лийын. Ӱмаште республикысе ВУЗлаште «Лечебное дело» специальность дене 1452 студент тунемын, «Педиатрий» специальность дене 65 еҥ шинчымашым налын. 


Марий Эл Радио

Йошкар-Олаште илыше-влак маскым чийыме режимым пудыртышо–влак шотышто вуйым шийыт

  • Дата: 17:13, 7-10-2020
  • Просмотров: 196

Йошкар-Олаште илыше-влак маскым чийыме режимым пудыртышо–влак шотышто вуйым шийыт. Шокшо линийышке 47 йодмаш пурен. Тушто ужалыме да услуго сферыште маскым чийыме режимым пудыртымо нерген ойленыт. Оласе администрацийыште увертарат. Чыла вуйшиймашым кӱлеш органлаште ончат. Шокшо линий йынгыр-влакым налеш. Телефон номерым те экраныште ужыда. 


Марий Эл Радио

Оршанка рӱдӧ эмлымверыште республикын рӱдӧ олаж гыч коронавирус да тудын лийын кертме дене черле пациент-влакым эмлаш тӱҥалыт

  • Дата: 17:11, 7-10-2020
  • Просмотров: 152

Оршанка рӱдӧ эмлымверыште республикын рӱдӧ олаж гыч коронавирус да тудын лийын кертме дене черле пациент-влакым эмлаш тӱҥалыт. Тазалык аралымаш министерствыште журналист-влаклан брифингым эртареныт. Тушто республикыште коронавирус инфекцийын шарлымыже нерген увертареныт. 6 октябрьлан республикысе инфекционный 8 стационарлаште 712 койко-вер уло, 82% айлыме. Норматив дене резервыште 20% вер лийшаш. Садланак Медведево рӱдӧ эмлымверыште коронавирус инфекций дене черле-влаклан ешартыш 42 верым ыштат, а лишыл жапыште эше 20 верлан шукемден кертыт. 


Марий Эл Радио

Йошкар-Олаште Машиностроителей уремын ужашыжым тӧрлат

  • Дата: 17:09, 7-10-2020
  • Просмотров: 162

Йошкар-Олаште Машиностроителей уремын ужашыжым тӧрлат. Ушештарена, нацпроект дене тиде уремым ончылгоч ачалаш тӱҥалыныт. Кызыт Красноармейский гыч Водопроводный урем марте пашам шуктат. Подрядный организаций-влак канализаций таве-влакым капитально олмыктеныт, тыгак асфальтын кӱшыл лончыжым пыштеныт. Тидын дечын вара тротуар, остановко, парковко-влакым ыштат. Тений нацпроект дене 5 уремым тӧрленыт: Пролетарский, Комсомольский, Красноармейский, Дружба. 


Марий Эл Радио

Вес ийын Йошкар-Олаште икмыняр вере кундемым тӱзатат

  • Дата: 17:06, 7-10-2020
  • Просмотров: 169

Вес ийын Йошкар-Олаште икмыняр вере кундемым тӱзатат. Нунын радамыште Глезденев лӱмеш сквер. «Илымвер да оласе среда» нацпроектын «Йӧнан оласе среда» федерал проект дене вес ийын. Рӱдӧ паркын кечывалвел-касвел ужашым тӱзатышаш улыт. Тыгак индешымше микрорайонышто «Планета» ужалыше рӱдер шеҥгелне скверым ышташаш улыт. Тудлан Павел Глезденевын лӱмжым пуаш палемдыме, туштак Марий Элын 100 ийжылан монументым вераҥдат. 



Марий Эл Радио

У тунемме ийым у класслаште тӱҥалыныт

  • Дата: 17:04, 7-10-2020
  • Просмотров: 172

У тунемме ийым у класслаште тӱҥалыныт. Йошкар-Олаште 7-ше номеран школым тӧрленыт. 1 октябрьыште кугурак класслаште шинчымашым погышо-влакын уэмдыме корпусышко толыныт. Зданий ачалымаш дечын вара тӱрыс вашталтын. Тушто столовый, спортзал, вургемым вашталтен чияш вер, кабинет-влакым ачаленыт. 


Назад Вперед