Марий Эл Телерадио » Материалы за 10.11.2020 » Страница 2
Марий Эл Радио

Аван кечыже вашеш «Авамлан серыш»

  • Дата: 17:16, 10-11-2020
  • Просмотров: 676

Аван кечыж вашеш «Авамлан серыш». Марий тӱвыра рӱдер ден «Саскавий» ӱдырамаш ушем «Авамлан серыш» конкурсым увертареныт. Тений тудо кокымшо гана лиеш. Но пандемийлан кӧра форматше вашталтын. Чумыр проект «Авам дене пырля» маналтеш. Лачак тыгай лӱман конкурс 2018 ийыште лийын. Тунам мероприятийыш 6 еш ушнен. Нуно сӱретленыт, кочкышым ямдыленыт, мурымо да куштымо усталыкыштым ончыктеныт. А тений организатор-влак ава нерген сочиненийым возаш темлат. 


Марий Эл Радио

Сеҥымашын 75-ше идалыкше лӱмеш эртарыме сылнымут конкурсым иктешленыт

  • Дата: 17:13, 10-11-2020
  • Просмотров: 541

Сеҥымашын 75-ше идалыкше лӱмеш эртарыме сылнымут конкурсым иктешленыт. Тудым тӱвыра, печать да калык-влакын пашашт шотышто министерстве  эртарен. Конкурсышко 28 йодмаш пурен. Сылнымут да публицистика паша-влакым икмыняр номинаций дене акленыт. 


Марий Эл Радио

Морко районышто ГТО нормативым сдатлаш тестирований рӱдерым почыныт

  • Дата: 17:11, 10-11-2020
  • Просмотров: 461

Морко районышто ГТО нормативым сдатлаш тестирований рӱдерым почыныт. Тудым районысо физический культур да спорт рӱдер пелен ыштеныт. Тыге тазалыкым шуараш да ГТО нормативым сдатлаш эше ик районышто йӧн уло. Рӱдерым  «Спорт- илышын нормыжо»  проект дене ыштеныт. Ушештарен кодаш гын, Марий Элыште таче кечын ГТО нормативым 12 вере сдатлаш лиеш.  


Марий Эл Радио

Йошкар-Оласе аэропорт идалык тӱҥалтыш гыч 11 тӱжем утла пассажирым кондыштарен

  • Дата: 17:10, 10-11-2020
  • Просмотров: 377

Йошкар-Оласе аэропорт идалык тӱҥалтыш гыч 11 тӱжем утла пассажирым кондыштарен. «Авиация в Марий Эл» пабликыште увертарат, кодшо ий тыгаяк жап дене таҥастарымаште, еҥ-влак самолет транспортым 3 пачаш шукырак ойыреныт. Эн шуко пассажир январьыште лийын -1800 наре, эн шагал – апрель тылзыште. 


Марий Эл Радио

Чодыра пожарым йӧрташ тений 11 единице техникым налме

  • Дата: 17:09, 10-11-2020
  • Просмотров: 446

Чодыра пожарым йӧрташ тений 11 единице техникым налме, тыгак пожар ваштареш кучедалаш 94 тӱрлӧ  оборудованийым. Специализированный техникым «Экологий» нацпроект дене келшышын «Чодырам аралымаш» регионысо проект кӱшеш налыт. 


Марий Эл Радио

Семеновка селаште Гагарин да Молодежный уремлаште тротуар-влакым тӧрленыт

  • Дата: 17:07, 10-11-2020
  • Просмотров: 405

Семеновка селаште Гагарин да Молодежный уремлаште тротуар-влакым тӧрленыт. Тиде пашам «Оласе йӧнан средам ыштымаш» федерал проект дене шуктеныт.  

Йошкар-Олан мэрже Семёновка селашке миен да ты  кумдык-влакым ончен. Нине уремлаште илыше-влак эше 2018-ше ийыштак федерал программышке пураш йодмаш дене лектыныт. 


Марий Эл Радио

Корнылаште туткар-влакын чотышт шагалемеш

  • Дата: 17:05, 10-11-2020
  • Просмотров: 457

Корнылаште туткар-влакын чотышт шагалемеш. «Рейтинг» увер агенствын данныйже дене, январь-сентябрь тылзылаште республикыште корно тутктар-влак, кодшо ий тыгаяк жап дене таҥастарымаште, 21% шагалемыныт.


Марий Эл Радио

Петров уремым да Шернур трактым вес ийын у корно уша

  • Дата: 17:03, 10-11-2020
  • Просмотров: 479

Петров уремым да Шернур трактым вес ийын у корно уша. Йошкар-Олаште Петров уремым кугемдат. Воин-Интернационалист гыч Шернур тракт марте у корно лиеш. Тиде пашам вес ийын мучашлышаш улыт. Регион вуйлатыше А.Евтифеевын кӱштымашыже дене, тудым Марий Элын социал-экономике вияҥмаш программышке пуртеныт, тидлан 330 миллион теҥгем ойыреныт. 


Марий Эл Радио

Волжск олаште канализационный коллекторым тӧрленыт

  • Дата: 16:59, 10-11-2020
  • Просмотров: 450

Волжск олаште канализационный коллекторым тӧрленыт. Тений кеҥежым тушто аварий лийын. Пашам шукташ республике правительствын резерв фондшо гыч 8 миллион теҥге ойыралтын. Кызыт пашаеҥ-влак йыр улшо кумдыкым шотышко кондат: кӱнчен пытарыме корным, тротуарым  тӧрлат да асфальтым шарат. Тиде объект –  Волжск олан рӱдӧ ужашыште верланыше пӧртла, тыгак социал объект - школ, йочасад гыч лавыран вӱдым эрыкта. 


Марий Эл Радио

Марий Элыште тӱшкан пайдаланыме транспортым уэмдат

  • Дата: 16:58, 10-11-2020
  • Просмотров: 412

Марий Элыште тӱшкан пайдаланыме транспортым уэмдат. Модернизаций йодышым Александр Евстифеев ВЭБ.РФ кугыжаныш корпораций председательын алмаштышыже Олег Говорун дене каҥашен. Улшо йодышым комплексно рашемдаш гын, сай лектыш лиеш. Тидлан планым ыштыме, транспорт автопаркым уэмдышаш улыт. Цифровой платформым кучылтын ик операторын пашаже тиде отрасльым вияҥдаш полша. Александр Евстифеевын мутшо дене, Марий Элыште тӱшкан пайдаланыме транспортын реформо проектше уло. Тыгаяк проектым ты марте Тверской областьыште кугыжаныш корпорацийын полшымыжо дене илышышке пуртеныт да 900 автобусым налыныт.