Марий Эл Телерадио » Материалы за 12.11.2020 » Страница 4
Марий Эл Радио

9 тылзе жапыште республикысе агропромышленный комплекс 11 миллион долларлан сатум экспортышко колтен

  • Дата: 14:33, 12-11-2020
  • Просмотров: 436

Тений 9 тылзе жапыште республикысе агропромышленный комплекс 11 миллион долларлан сатум экспортышко колтен. Кодшо ий тыгаяк жап дене таҥастарымаште, 133% шукырак. Вес регионлашке кочкыш сатум колтат. Чыла колтымо сату гыч 33%, тыгак Марий кундемыште ыштыме пырчым, шылым да шӧр сатум вес эллашке колтат. Октябрь тылзыште республикысе агропромышленный предприятий-влак «ПИР ЭКСПО» тӱнямбал кӱкшытан выставкыште шке сатуштым ончыктеныт. 


Марий Эл Радио

170 километр корным нормативлан келыштарен шуктышаш улыт

  • Дата: 14:30, 12-11-2020
  • Просмотров: 539

Тений 170 километр корным нормативлан келыштарен шуктышаш улыт, ятыр вере пашам мучашлыме. Корно-влакын лӱдыкшыдымылыкышт нерген  регионын вияҥмашыже шотышто Правительстве комиссийын заседанийыштыже каҥашеныт. Видеоконференцийым Россий Правительстве Председательын алмаштышыже Марат Хуснуллин эртарен. 


Марий Эл Радио

17 ноябрьыште кевытлаште пеҥгыде йӱышым ужалаш огыт тӱҥал

  • Дата: 14:26, 12-11-2020
  • Просмотров: 435

17 ноябрьыште кевытлаште аракам ужалаш огыт тӱҥал. Студент-влакын тӱнямбалсе кечынже республикыште пеҥгыде йӱышым ужалаш огеш лий. Предприниматель-влаклан экономике вияҥмаш министерствыже ушештара: законым пудыртышо-влаклан штрафым тӱлыктат: должностной лица-влаклан 20 гыч 40 тӱжем теҥге марте, юридический лица-влаклан 100 гыч 300 тӱжем теҥге марте. Регионышто арака сатум йоча да самырык-влак дене кылдалтше пайрем кечылаште ужалаш чарыме, тиде 1 сентябрь, 1 да 27 июнь да 25 январьыште. 


Марий Эл Радио

Автомашинам виктарыше-влакын аптечкыштышт маске-влак лийыт

  • Дата: 14:24, 12-11-2020
  • Просмотров: 426

Автомашинам виктарыше-влакын аптечкыштышт маске-влак лийыт. Тазалыкаралтыш министерстве у приказым пеҥгыдемден. Тудын дене келшышын, 2021 ий 1 январь гыч аптечкылаште медицин маске-влак лийыт, тыгак южо лейкопластьырьым, стерильный бинт, перевязкым ышташ пакет-влакым кораҥдат. 


Марий Эл Радио

Федерал кугорнышто теле жапыште ийым шулыкташ 7 тӱжем тонн шинчалым да 30 тӱжем тонн ошмам шапашленыт

  • Дата: 14:23, 12-11-2020
  • Просмотров: 398

Федерал кугорнышто теле жапыште ийым шулыкташ 7 тӱжем тонн шинчалым да 30 тӱжем тонн ошмам шапашленыт. Йӱштӧ пагытлан «Волго-Вятскуправтодор» кӱлын ямдылалтын. Тидын дене пырля телым федерал кугорным 65 единице технике эрыкташ тӱҥалеш, тидын радамыште 28 комбинироватлыме машина. 


Марий Эл Радио

Республикысе курчак театр «Золотая маска» премийын лауреатше

  • Дата: 14:22, 12-11-2020
  • Просмотров: 457

Республикысе курчак театр «Золотая маска» премийын лауреатше лийын.  Уста коллектив премийлан «Йӱд орол» спектакльым икмыняр номинаций дене луктын. Лач иктыштыже Сергей Таныгинын пашажым  «Художникын эн сай пашаже» семын палемденыт. Мут толмашеш, тений сеҥыше-влакым икымше гана онлайн-йӧн ден ойыреныт. 


Марий Эл Радио

«Воскресение» кычалше отряд Юл кундемысе федерал округышто ойыртемалтын

  • Дата: 14:20, 12-11-2020
  • Просмотров: 505

«Воскресение» кычалше отряд Юл кундемысе федерал округышто ойыртемалтын. Россий Президентын ӱшанеҥын аппаратше «Кычалше отряд-влакын слетыштым» эртарен. Тушто тенийсе пашам иктешленыт. Тидын дене пырля сеҥыше-влакым кандаш номинацийыште палемденыт. Нунын радамыште Марий Эл гыч «Воскресение» студент-влакын кычалше отрядше. Тудо «Инноваций» номинацийыште икымше верышке лектын.  



Марий Эл Радио

Пояш шонен, шкеже ондалалтын

  • Дата: 14:19, 12-11-2020
  • Просмотров: 397

Йошкар-Олаште илыше ӱдырамаш мошенник-влаклан 7 миллион теҥгем пуэн. Кум тылзе жапыште 31 ияш ӱдырамаш брокер лийын, биржыште поен, шонен, кредит-влакым налын, нуным аферист-влаклан колтен.


Марий Эл Радио

Октябрь тылзыште республикысе больницылашке 170 тонн кислородым налыныт

  • Дата: 14:17, 12-11-2020
  • Просмотров: 448

Октябрь тылзыште республикысе больницылашке 170 тонн кислородым налыныт. Кодшо ий тыгаяк жап дене таҥастарымаште тиде 6 пачаш шукырак. Тачысе кечын республикысе инфекционный стационарлаште 1247 койко верым ыштыме. 


Марий Эл Радио

Школлаште йоча-влакым кузе пукшат?

  • Дата: 14:14, 12-11-2020
  • Просмотров: 529

Школлаште йоча-влакым кузе пукшат? Тидым Роспотребнадзорын специалистышт эреак тергат. Марий Элыште шокшо кочкышым 253 школышто пукшат. Тудым пищеблоклаште ямдылат. 1 гыч 4 класслаште тунемше-влакым яра пукшат, тидлан 53 теҥге ойыралтеш. Тений шокшо кочкышым чыла тунемше-влак кокла гыч 87% кочкеш. Тидын дене пырля 73 тунемме верыште буфет-влак улыт.