Марий Элыште инвалид-влакын декадышт тӱҥалын. 10 декабрь марте тидлан пӧлеклалтше акций-влак лийыт. Тачысе кечын республикыште 63 тӱжем утла тазалык шотышто эмганен виянше еҥ ила, тидын радамыште 2751 йоча. Кажне ийын инвалид-влакын декадышт вашеш республикыште мер ушем-влакын вашлиймашышт, йыргешке ӱстел-влак эртат. Тений тӱшка мероприятий-влак огыт лий, тыгодым социал рӱдерлаште  изирак тӱшка дене , южо вере онлайн-йӧным кучылтын тӱрлӧ мероприятий-влак эртат. Тыгак видеоролик-влакын презентацийышт лийыт. 

Республикыште илыше-влак кучем еҥ деке корно йодыш дене лектыт. Пытартыш арняште регионышто социал кыллаште корно, тазалыкаралтыш, илымвер-коммунал озанлык,   кундемым тӱзатыме, социал аралымаш йодыш-влакым пуат. Мониторингым «Инцидент-менеджмент» автоматизироватлыме системе эртарен. Чылаже 190 йодыш пурен, кажныжлан вашмутым пуэныт да умылтареныт. Ушештарена, системе граждан-влакын вуйшиймашыштым шотышко налеш да кӱлеш ведомствылашке вашмутым пуаш колта. Эртыше арняште эн шуко йодыш Йошкар-Ола да Козьмодемьянск оласе администрацийлан, тазалыкаралтыш, туныктыш да шанче, социал вияҥмаш министерствылан пурен. 

8 декабря в Республиканском музее изобразительных искусств состоится открытие персональной выставки Алевтины Шайдуллиной «Расскажите, птицы…».

«Педагогический дебют» конкурс иктешлалтын. Тушко республикысе 26 самырык туныктышо да нунын наставникышт ушненыт. Конкурсым эртымеке, сеҥыше-влакын лӱмышт пале лийын. «Самырык туныктышо» номиацийыште Медведево поселкысо 2-шо номеран школышто математике да информатикым туныктышо Николай Андреевич Сморкаловым, «Самырык воспитатель» номинацийыште Йошкар-Оласе 39-ше номеран йочасадын воспитательже Березина Дарья Петровнам палемденыт. «Педагог-наставник» семын Звенигово районысо Красногорский йочасадын кугырак воспитательже Гузель Минулловна Латфуллинам саламленыт. 

С 1 декабря в республике работает единый номер 122, на который жители могут обращаться по вопросам о COVID-19.

Мемнан кундемыште граждан-влакын социал полышлан, кугыжаныш да муниципал учреждений-влаклан, тушто тыршыше-влаклан пашадарлан тӱлаш оксам ситышын ойырат. Тиде да моло нергенат Россий финанс министр Антон Силуанов дене эртарыме совещанийыште пале лийын. Республике дечын видеоконференцийышке Александр Евстифеев ушнен. Министр ушештарен: регион-влак социал-кӱлешан виктыш дене роскотым шотышто кучышаш да жапыште шийвундым ойырышаш улыт. 

Йошкар-Олаште аэровокзалын у терминалжым чоҥаш тӱҥалыт. Тудым Россий Правительстве дене пеҥгыдемдыме Республикым социал-экономике могырым вияҥдыме шотышто индвидуальный программышке пуртымо. Терминалын проектшым ыштыме шотышто конкурсышто Санкт-Петербург гыч институт сеҥен. 24 ноябрьыште Марий Элын транспорт да корно озанлык министерствыже да «Ленаэропроект»  акционер ушем  кугыжаныш контрактым пеҥгыдемденыт, тудо 59 миллион теҥгешке шуын. Совещанийыште регион вуйлатыше да правительстве еҥ-влаклан ончыкылык аэровокзалын эскизшым ончыктеныт. Комплекс 400 пассажирлан келыштаралтын. Тушто толшо да вес олашке кайыше-влаклан посна пӧлем-влак улыт. Проект почеш тыгак  кевыт, кафе, ава да икшывын пӧлемже, медпункт, санитар комнате-влак лийыт. 

Йоча-влакым у йӧнан автобус-влак шупшыкташ тӱҥалыт. Республикыште школ да кыдалаш тунемме вер-влакын вуйлатышыштлан регион вуйлатыше Александр Евстифеев у автобус-влак дечын сравочым кучыктен. Республикын правительствыже йоча-влакым школ марте лӱдыкшыдымылын кондыштарымылан кугу тӱткышым ойыра. Тунемме вер-влакын автобус паркыштым кажне ийын уэмдат, да ончыкыжымат тиде пашам шукташ тӱҥалыт. 

Прокуратура республики совместно с Центром по противодействию экстремизму МВД выявила в Интернете экстремистские материалы, опубликованные в газете «Владимирская Русь».

Жителей и коллективы города приглашают принять участие в фестивале-конкурсе «Новогодняя открытка – 2021».