Марий Эл Телерадио » Материалы за 14.12.2020 » Страница 3
Марий Эл Радио

Республикысе курчак театрыште – у паша

  • Дата: 14:21, 14-12-2020
  • Просмотров: 427

Республикысе курчак театрыште – у паша. У Ий вашеш тыште Владимир Сутеевын «Ёлка» йомакше почеш «Снеговик-почтовик» постановкым ямдылат. Тудым сценышке лукташ «Культура малой родины» федерал партийный проект полшен. 

Спектакльым Екатеринбург ола гыч толшо команде ямдыла. Режиссер – Российын сулло артистше Евгений Сивко, сӱретче – Юлия Селаври, семым Кирилл Лехин возен. Нине постановщик-влакак мемнан дене 2018 ийыште «Снежная королева» спектакльым калык ончыко луктыныт.

Черетан паша – «Снеговик-почтовик». «Могай У Ий кож дечын посна?» - шоналтеныт йоча-влак да Йушто Кугызалан серышым возеныт. Вет эн мотор пушенгым юзо коча гына колтен кертеш. Тиде серышым Йӱштӧ Кугызалан намиен шукташ Лумэргылан ӱшаненыт. Тудо пайремлан кожым конден шукта мо? Могай чарак-влакым эрташыже логалеш? Тудлан кӧ полша? Чыла тидым постановкышто мастарын ончыктымо да оҥайын почын пуымо. «Снеговик-почтовик» спектакль весела муро, куштымаш, модышлан поян. Постановкын премьерыже 19 декабрьыште лиеш.


---

Республикысе курчак театрыште – у паша

  • Дата: 14:19, 14-12-2020
  • Просмотров: 454

Республикысе курчак театрыште – у паша. У ий вашеш тыште Владимир Сутеевын «Ёлка» йомакше почеш «Снеговик-почтовик» постановкым ямдылат. Тудым сценышке лукташ «Культура малой родины» федерал партийный проект полшен. 

Спектакльым Екатеринбург ола гыч толшо команде ямдыла. Режиссер – Российын сулло артистше Евгений Сивко, сӱретче – Юлия Селаври, семым Кирилл Лехин возен. Нине постановщик-влакак мемнан дене 2018 ийыште «Снежная королева» спектакльым калык ончыко луктыныт.

Черетан паша – «Снеговик-почтовик». «Могай У Ий кож дечын посна?» - шоналтеныт йоча-влак да Йушто Кугызалан серышым возеныт. Вет эн мотор пушенгым юзо коча гына колтен кертеш. Тиде серышым Йӱштӧ Кугызалан намиен шукташ Лумэргылан ӱшаненыт. Тудо пайремлан кожым конден шукта мо? Могай чарак-влакым эрташыже логалеш? Тудлан кӧ полша? Чыла тидым постановкышто мастарын ончыктымо да оҥайын почын пуымо. «Снеговик-почтовик» спектакль весела муро, куштымаш, модышлан поян. Постановкын премьерыже 19 декабрьыште лиеш.


Марий Эл Радио

Марий савыктыш-влакын лукмо книга-влакым Удмуртийысе книга конкурсышто палемденыт

  • Дата: 14:11, 14-12-2020
  • Просмотров: 448

Марий савыктыш-влакын лукмо книга-влакым Удмуртийысе книга конкурсышто палемденыт. Тушто «Пётр Чайковскийын шочмо кундемыштыже талукын книгаже» конкурс эртен. «Эн сай сылнымут произведений» номинацйиыште икымше степенян диплом дене Марий книга савыктышын лукмо «Ӱжаран кугорно» ден «Россий ӱмбалне шонанпыл» антологий-влакым суапландареныт,  «Йоча да самырык- влаклан эн сай савыктыш» номинацийыште С.Д. Дмитриев ден С.С. Мустафинан «Йылме- влакым тунемына. «Сӱретлыман марла-рушла-англичанла мутер» книга тыгаяк дипломым налын. Конкурсыш Российысе 8 кундем гыч 129 савыктышым темлыме ыле.


Марий Эл Радио

У ий вашеш МЧС пиротехникым ужалыше кевытлашке рейд дене лектеш

  • Дата: 14:09, 14-12-2020
  • Просмотров: 312

У ий вашеш МЧС пиротехникым ужалыше кевытлашке рейд дене лектеш. Утарыше-влак кевытче-влак дене мутланат, лӱдыкшыдымылык правил нерген умылтарат. Пиротехнике шокшым пуышо прибор-влак дечын пел метр тораште лийшаш, тыгак кечыйол логалшаш огыл. У ий вашеш тыгай рейд-влак йӱлашке пуреныт.


Марий Эл Радио

Шке пашам тӱҥалше 17 предприниматель бизнес пашам вораҥдараш грантым сеҥен

  • Дата: 14:08, 14-12-2020
  • Просмотров: 367

Шке пашам тӱҥалше 17 предприниматель бизнес пашам вораҥдараш грантым сеҥен. Кодшо кечылаште нацпроект дене келшышын эртарыме «Популяризация предпринимательства» регионысо проектым иктешленыт. Кундемысе проект 14 ий гыч тӱҥалын, шке пашам тӱҥалше-влаклан полша. Участник-влак семинар, тренингым эртат, палыме амалкалче-влак дене вашлийыт. Тений проектышке кок тӱжем утла еҥ ушнен. Грант-влак конкурсышко 24 йодмаш пурен. Сеҥыше 17 процентым ойыреныт, нунын авторыштлан 100 тӱжем теҥге гыч грантым пуат. Бизнес-проект-влак конкурслан ик миллиоат 600 тӱжем утла теҥге ойыралтеш. 


Марий Эл Радио

Корно правилым пудыртымылан 340 миллион теҥгем тӱлаш штрафлан постановленийым пуэныт

  • Дата: 14:05, 14-12-2020
  • Просмотров: 390

Идалык тӱҥалтыш гыч республикыште илыше-влаклан корно правилым пудыртымылан 340 миллион теҥгем тӱлаш  штрафлан постановленийым пуэныт.  Тышечын утларакше-  86%  -  фото да видеофиксаций йӧн дене пеҥгыдемдалтыныт.11 тылзыште ГИБДД пашаеҥ-влаклан  505 тӱжем утла постановленийым возеныт. Ушештарен кодаш гын, автомашинам виктарыше але олашке корно правилым пудыртымылан штрафым 60 кечыште тӱлен шуктышаш. Вара административно мут кучаш шогалтат. Тунам штрафым кок пачаш шукырак тӱлаш логалеш.  Кугыжаныш автоинспекций ушештара - 11% штрафым жапыштыже тӱлен огытыл. 


Марий Эл Радио

Россий банк пандемий жапыште медицин пашаеҥ-влакын тыршымашыштым умылен, оксам луктын

  • Дата: 14:02, 14-12-2020
  • Просмотров: 348

Россий банк пандемий жапыште медицин пашаеҥ-влакын тыршымашыштым умылен, шергакан огыл металл гыч тыгыде оксам луктын. Марий Элышке тудо лишыл кечылаште толеш. Тыгыде оксам 5 миллион штукам луктыныт. Тудын ик могырыштыжо Российын кугыжаныш гербше, вес могырышто аралтыш костюмым чийыше ӱдырамаш да пӧръеҥ. Нуно медицин учреждений да вашкеполыш машина ончылно шогат. 


Марий Эл Радио

Пытартыш суткаште 54 еҥын коронавирус пеҥгыдемдалтын

  • Дата: 14:00, 14-12-2020
  • Просмотров: 306

Инфекционный стационарлаште эмлалтше-влак гыч 400 еҥын коронавирус пеҥгыдемдалтын.  Больницылаште 1148 еҥ эмлалтыт. Пытартыш суткаште 54 еҥын коронавирус улмым пален налыныт,  ик еҥ ӱмыр лугыч лийын. Пандемий жапыште Марий Элыште 8298 еҥын коронавирус пеҥгыдемдалтын, 107 еҥ колен, 7 тӱжем утла эмлалтыныт.  


Марий Эл Радио

Республикыште инфекционный стационарлаште улшо вер гыч 20% яра

  • Дата: 13:57, 14-12-2020
  • Просмотров: 370

Республикыште инфекционный стационарлаште улшо вер гыч 20% яра, пытартыш жапыште гына койко верым ешареныт. 10 инфекционный стационарыште 1500 койко вер уло.  Коронавирус инфекцийым шижтарыме шотышто совещанийым Россий тазалыкаралтыш министр Михаил Мурашко эртарен. Юл кундемысе федерал округышто Россий Президентын ӱшанъеҥже Игорь Комаров дене пырля тушко регион вуйлатыше Александр Евстифеев ушнен. 11 ноябрь гыч республикыште коронавирус дечын мӧҥгышто эмлалтше-влаклан эмым пуат. Нине пациент-влак деке миен кошташ да нунылан эмым намиен пуаш 25 автомашинам ойырымо. 


Марий Эл Радио

Марий Элыште коронавирус инфекцийым шижтараш вакцинын кокымшо партийже толын

  • Дата: 13:55, 14-12-2020
  • Просмотров: 368

Марий Элыште коронавирус инфекцийым шижтараш  вакцинын кокымшо партийже толын. Кугарнян республикышке 200 дозо «Гам-КОВИД-ВАК» вакциным конденыт. Прививкым эн ончыч медицин пашаеҥ-влаклан шындаш тӱҥалыт. Тазалыкаралтыш министерствыште ушештарат: вакцинын икымше партийжым, а тиде 42 дозым, Волжск оласе медицин пашаеҥ-влаклан икмыняр тылзе ончыч  шынденыт. Ончыкыжым республикышке эше 400 дозо вакцине толшаш. Тудым педагог, соцпашаеҥ, элкӧргӧ органлаште тыршыше-влаклан шындаш тӱҥалыт. Марий Элыште 400 тӱжем утла еҥлан коронавирус дечын привикым ыштышаш улыт. 

 Ешарена, кызыт Российын тазалыкаралтыш министерстве профлактический прививке-влакын национальный календарьышке вашталтышым ямдыла. Тудым илышышке пуртен шуктат гын, 18 гыч 60 ияш-влаклан коронавирус дечын привикым яра шындаш тӱҥалыт. Вес идалык мучашлан элыште илыше 60% еҥлан прививкым шындышаш улыт.