Марий Эл Телерадио » Материалы за 17.12.2020 » Страница 2
Марий Эл Радио

Благовещений башньыште «Азербайджан-тулан эл» ончер почылтын

  • Дата: 17:52, 17-12-2020
  • Просмотров: 475

Марий Элыште келшен икмыняр калык-влак илат. Южыжын шке автономийыштат уло Республикыште илыше азербайджан-влакын калыкле-тӱвыра автономийышт у фотоончерым чумырен. Тудо «Азербайджан-тулан эл»  маналтеш. Ончер  Йошкар-Олаште «Благовещений башня» тӱвыра-выставке рӱдерыште пашам ышта. Экспозицийыште Азербайджанысе фотограф-влакын пашаштым вераҥдыме. Тушто Кавказ элын мотор да пале вер-шӧржым, историй памятникшым, калыкын кочкыш-сийжым, йӱлам ончыктымо. Тыгак тушто калык вургем, сурт-коклаште кучылтмо ӱзгар, тошто книга-влакым ужын аклаш йӧн уло. Ончер 15-ше январь марте пашам ышта. 


Марий Эл Радио

Иван Ямбердов-Марий Элын калык сӱретчыже

  • Дата: 17:49, 17-12-2020
  • Просмотров: 484

Иван Ямбердов-Марий Элын калык сӱретчыже. Тидын шотышто указышке кидпалыжым регион вуйлатыше Александр  Евстифеев 14 декабрьыште пыштен. Уло кумылын Иван Михайловичым тиде чап лӱмым сулымыжо дене саламлена. Иван Ямбердов – республикыште веле огыл, Российыштат палыме сӱретче. Тудо Волсжкий районышто шочын кушкын, 1983-шо ий гычак тудо сӱрет сымыктыш фонд Марий пӧлкажын уста сӱретчыже лийын. Ятыр портрет да пейзажын авторжо. Иван Михайловичын пашаже-влакым Финляндий, Венгрий, Израиль, Италий, Эстоний да Элнан тӱрлӧ олаласе тоштерлаште ужаш лиеш. Тыгак тудын ятыр пашаже республикысе музейлаште аралалтеш. 


Марий Эл Радио

Пытартыш жапыште чодырам шолып руышо-влак шагалрак вашлиялтыт

  • Дата: 17:48, 17-12-2020
  • Просмотров: 334

Пытартыш жапыште чодырам шолып руышо-влак шагалрак вашлиялтыт. Марий Элыште тений, кодшо ийла дене таҥастарымаште, 8 пачаш тыгайже шагалемын. Тений 11 тылзе жапыште 566 кубометр чодырам шолып руымо. Эҥгек, кодшо ий дене таҥастарымаште, 6 пачаш шагалемын. Тидын нерген регионысо пӱртӱс ресурс министерстве увертара. Юридический лица-влак дене ыштыме административный права пудыртмаш-влак иземын толеш. 


Марий Эл Радио

У Торъял районышто ГТО нормативым сдатлаш площадкым почыныт

  • Дата: 17:45, 17-12-2020
  • Просмотров: 331

У Торъял районышто ГТО нормативым сдатлаш площадкым почыныт. Тушто кумылан-влак норматив-влакым сдатлен кертыт. Рӱдер  У Торъял поселкышто верланен. Таче кечын Марий Элыште ГТО нормативым стадлаш 13 рӱдер уло. 


Марий Эл Радио

Самырык-влакым спортлан шӱмаҥдаш у оборудований полша

  • Дата: 17:43, 17-12-2020
  • Просмотров: 559

Самырык-влакым спортлан шӱмаҥдаш у оборудований полша. Хоккей дене спорт школлан «Демографий» нацпроектын «Спорт - илышын нормыжо» федерал проект дене келшышын,   у оборудованийым налыныт. Самырык-хоккеист-влаклан шуаралташ оборудованийлан 25 миллион теҥгем ойыреныт, утларак шийвундо федерал бюджет гыч. Тиде субсидий дене Курыкмарий район Кулаково селаште хоккейный коробкым ыштеныт, тушко информационный таблом вераҥденыт. Ончыкыжым тиде районыштат ий вид дене спорт школын хоккей пӧлкаже лиеш. Спорт школ да Красноволжский школ коклаштышт ойыпидышым ыштеныт. Йоча-влак школын спортзал, вургемым вашталтен чийыме вер, душевой-влак дене пайдаланаш тӱҥалыт. Таче кечын тыгай пӧлка Йошкар-Ола да Марий Турекыште уло. Тушто чылаже 160 йоча ямдылалтеш. 


Марий Эл Радио

Марий Элыште коронавирус эше 54 еҥын пеҥгыдемдалтын

  • Дата: 17:42, 17-12-2020
  • Просмотров: 348

Марий Элыште коронавирус эше 54 еҥын пеҥгыдемдалтын. Оперативный штаб увертара: пытарытыш суткаште регионышто тиде вируслан кӧра, ӱмыр лугыч нигӧат лийын огыл. 70 еҥым стационарлашке пыштеныт, тынарымак мӧҥгышт колтеныт. 10 стацонарыште ик тӱжем утла еҥ эмлалтыт. Пандемий жапыште 8 тӱжемат 458 еҥын тиде инфекций пеҥгыдемдалтын, чылаже 109 еҥ колен, 7 тӱжемат 513 еҥ тиде вирус дечын эмлалтын. 


Марий Эл Радио

Суд пристав-влак У Ий вашеш «исполнительный производство» шотышто шокшо линийым эртарат

  • Дата: 17:40, 17-12-2020
  • Просмотров: 343

Суд пристав-влак У Ий вашеш «исполнительный производство» шотышто шокшо линийым эртарат. «Шке парымет нерген пален нал» акций вучымо пайрем вашеш эрта.  Исполнительный производствышто улшо документ, граждан-влакын шке парымыштым петырыме, тыгак судебный пристав-влак коклаште коррупцийым шижтарыме шотышто йодыш-влаклан вашешташ ямде улыт. Телефон дене граждан-влакын йодышыштлан исполнительный производство пӧлкан начальникше Галина Евгеньевна Колесникова вашешта. Йодыш-влаклан вашмутым 18 декабрьыште 10 гыч 12 шагат марте пуат. Номерже - 8 (8362) 68-49-48.


Лента новостей / Общество

К Новому году государство выплатит по 5 000 рублей российским семьям с детьми до семи лет

  • Дата: 17:25, 17-12-2020
  • Просмотров: 693

Выплата в 5 000 рублей предназначена на каждого ребенка в семье в возрасте до семи лет, заявил Владимир Путин в завершение пресс-конференции.