Индешымше классыште тунемше-влак иктешлыше собеседованийыште шинчымашыштым тергеныт. Тудым сдатлымеке веле, тунемше  кугыжаныш аттестацийым кучен кертеш. Собеседованийыште оценкым огыт шынде, «зачет» але «незачет» манын палемдат. «Незачет» оценкылан шинчымашым ончыктышо-влак , 10 мартыште да 17 майыште уэш собеседованийым эртат. Тунемше-влак 15 минут жапыште ныл заданийым шуктеныт: текстым йӱкын лудыныт, тудым каласкаленыт, ик теме почеш шонымашым почын пуэныт да туныктышо дене диалогышко ушненыт. 

Пытартыш суткаште эше ик еҥ коронавирус инфекцийлан кӧра ӱмыр лугыч лийын. Тыге пандемий тӱҥалме дечын вара 160 еҥ колен. Кажне кечын кокла шот дене 42-43 еҥ черлана, пытартыш жапыште стационарлаште эмлалтше-влакын чотышт шагалемеш.  Тачысе кечын стационарлште коронавирус але тудын лийын кертме лӱдыкшӧ дечын эмлалташ 885 вер уло, стационарлаште 588 еҥ эмлалтыт. Тыгодым тӱҥ санитар врач палемден: вирус огеш чакне, еҥ-влак санитар правилым шуктышаш улыт. Кызыт студент-влак тунеммаш деке пӧртылыныт, 65 ий дечын кугырак ийготан туныктышо-влак очно пашам ыштат. 

У коронавирус инфекцийым чактараш вакцинаций полшышаш. Республикыште тиде пашам вораҥдарен колтыман. Тидын нерген Марий Эл вуйлатыше Александр Евстифеев оперативный штабын черетан заседанийыштыже увертарен. Регионышто вакцине ситышын уло, садланак предприятийлаште тыршыше, студент да туныктышо-влаклан прививкым ыштыман. Тазалыкаралтыш министерствыште палемдат: тӱшка калыклан вакцинацийланат тӱткышым ойырыман, поснак кугырак ийготан-влаклан. Республикыште вакцинацийым ышташ 19 пункт уло, тидын дене пырля 8 мобильный пункт пашам ышта, тышечын 6-шо – Йошкар-Олаште, 2-шо – районлаште. Вакцинацийым ышташ пунктлаште вакциным кондыштараш кӱлеш оборудований уло, лишыл жапыште эше фармацевтический морозильный да холодильный оборудованийым, рефрижераторым  конден шуктат.  

Январь тылзыште 10 тӱжем утла еш социал полыш дене пайдаланен. «Йоча шочмо годым финанс полыш» регионысо проект дене келшышын,  тидлан 112 миллион теҥге ойыралтын. Социал аралтыш министерстве увертара: окса гыч пелыже федерал бюджет гыч. Марий Элыште финанс полышым 9 тӱжемат 927 еш налын. Ушештарена, регионысо проект 2024 ий марте келыштаралтын, тудлан оксам федерал да республикысе бюджет гыч ойырат. 

В автокатастрофе погибли два человека. ДТП произошло на трассе «Йошкар-Ола-Зеленодольск» днем 11 февраля.

Шошо толмеке, республикыште корно-влакым тӧрлаш, чоҥаш тӱҥалыт. 2021 ийыште кундемыште тиде пашалан чыла гаяк контрактым пеҥгыдемдыме. Александр Евстифеев корным чоҥымо, тыгак элыште инфраструктурын вияҥмыже нерген регионысо вияҥмаш шотышто Правительстве комиссийын заседанийышкыже ушнен.   Тудым Россий правительстве председательын алмаштышыже Марат Хуснулилин эртарен. Марий Элыште корным план дечын ончычрак чоҥат. Тидын дене - регион ончылно. 2021 ийлан палемдыме паша гыч 98 процентше дене контрактым пеҥгыдемдыме. Тыгак 2022 - 23 ийланат контракт-влакым ышташ тӱҥалыныт. Вес ийлан 7 ойпидышым ыштеныт, тидын радамыште Киров да Строителей уремым ушышо магистраль. 

На заседании комитета по социальному развитию Госсобрания Марий Эл стало известно, что за период с 2010 по 2020 год в Марий Эл 2936 ветеранов Великой Отечественной войны и членов их семей были обеспечены жильем. 

По данным регионального Минздрава, для желающих привиться организовано 19 пунктов вакцинации в медорганизациях, создано столько же прививочных бригад для выезда.

Накануне в СУ СКР по Марий Эл подвели итоги работы за 2020 год.

В России запустили единую для всей страны онлайн-платформу по голосованию за объекты благоустройства, об этом сообщил замглавы Минстроя РФ Максим Егоров на пресс-конференции в ТАСС.