Марий йылме дене олимпиаде 19 февральыште Марий кугыжаныш университетыште лиеш. Тушко марий йылме да литератур, тыгак марий кугыжаныш йылме дене муниципал этапыште сеҥыше-влак толыт. Марий Элыште илыше калык-влакын историй да культур предмет дене олимпиадын регионысо этапше тений заочно эрта. Республикысе этапыште сеҥыше-влак 25 февральыште регион-влак кокласе олимпиадышке ушнат. Тушко Марий Эл гыч веле огыл, тыгак Башкортостан, Татарстан, Удмурт республикыла, Свердловский область гыч тунемше-влак шинчымашыштым тергаш тӱҥалыт. Но тений тиде этап тыгак заочно формат дене лиеш. 

 Икмыняр кече жапыште Йошкар-Олаште илыше-влак «Оласе йӧнан среда» программе дене шке темлымашыштым пуэн кертыт. Нине кумдык-влакым 2021 ийыште тӱзатышаш улыт. Ушештарена, йодмаш-влакым 18 февраль марте налыт, тидын дечын вара шорт-листым ыштат да еҥ-влак тӱзатышаш проект-влакым шкештак ойырат. Йӱклымаш тений у семын эрта. Тидлан российысе платформым пашашке колтат. Тушко «Госуслуги» порталыште регистрацийым эртыше кажне еҥ ушнен кертеш. Икмыняр минутым ойырен, олаште илыше-влак кундемым вияҥдыме пашам ончыко колташ полшат.  

Ушештарена, ты марте рӱдӧлаште илыше-влакын ойырымышт почеш 25 кумдыкым тӱзатеныт. Тений йӱклымаш чыла регионышто иканаште 26 апрель гыч 30 май марте лиеш. Тиде темлымаш дене 2022 ийлан тӱзатышаш кундем-влакын радамыштым ыштат. Платформышто кеч-могай объект дене йӱклымашым ужаш лиеш. Тышке 14 ияш дечын кугырак кажне кумылан еҥ ушнен кертеш. 

Марий Элын ВУЗлаштыже коронавирус дечын вакцинацийым ыштат. Александр Евстифеев кӱшыл тунемме верлаште шинчымашым погышо да туныктышо-влак коклаште коронавирус инфекций шарлымым шижтарыме да эпидемий ваштареш кучедалме йодмашым шуктымо паша дене кылдалтше совещанийым эртарен. ВУЗ-влак очно тунеммаш деке пӧртылыныт, садланак правилым шуктымо да аралалтме йодыш – ончыл верыште.  Юл кундемысе технологический университетын ректоржо Игорь Петухов ешарен: тиде ВУЗ Йощкар-Оласе 1-ше номеран поликлинике дене ик ийлан ойпидышым пеҥгыдемден. Тудын дене келшышын,  тунемше-влакым тӱткын тергат: студент-шамыч анализым сдатлат, флюорографийым ыштат. Тидын дечын вара ПЦР йӧн дене у коронавирус инфекцийын улмыжлан тергат. Тыгак вакцинаций дене паша кая. Марий Кугыжаныш университетын ректоржо Михаил Швецов ешарен: тиде тунемме верыште студент да туныктышо-влаклан прививкым шындаш тӱҥалыныт. 

Днем ранее Верховный суд республики отклонил апелляционную жалобу адвоката подсудимой на суровость наказания, сообщают в прокуратуре РМЭ.

Из них по вине водителей случилось 14 аварий, в которых два человека погибли и 19 – получили ранения.

С прошлого года в республике работает Управление капитального строительства (УКС), на которое возложена функция единого заказчика по строительству объектов госсобственности.

Открытое состязание по шахматам в онлайн-формате организовали 11 февраля в «Точке роста» в поселке Советский.

Пилот Михаил Томуров  в эти дни принимает участие во всероссийской гонке на воздушных шарах «Кубке вызова воздухоплавателей SharNN-2021».

Праздничный концерт по заявкам телезрителей 

К участию приглашены школьники, студенты, изобретатели и мейкеры, сообщают в региональном Минобрнауки.