Марий Эл Телерадио » Материалы за 15.04.2021 » Страница 2
Марий Эл Радио

Май пайремыште ешартыш каныш-влак лийыт

  • Дата: 15:40, 15-04-2021
  • Просмотров: 320

Май пайремыште ешартыш каныш-влак лийыт. Россий паша кодекс дене келшышын, пайрем кече канышлан толеш гын, тудым вес кечылан кусарат. 1 май-шуматкечылан толеш, садланак  каныш кече 1 гыч 3 май марте лиеш. 9 май рушарнялан логалеш, садланак каныш кече 8, 9, 10 майыште лийыт. 


Марий Эл Радио

16 апрель гыч «пригородный» поезд-влак кошташ тӱҥалыт

  • Дата: 15:38, 15-04-2021
  • Просмотров: 359

16 апрель гыч «пригородный» манме поезд-влак кошташ тӱҥалыт. Йошкар-Ола гыч Озаҥ, Яранскышке поезд дене миен шуаш лиеш. График дене «Содружество» пассажир компанийын сайтыштыже палыме лияш йӧн уло. 16 апрель гыч 10 октябрь марте Озаҥ-Йошкар-Ола поезд кугарнян, шуматкечын да рушарнян кошташ тӱҥалеш, а Йошкар-Ола гыч Казаньышке шуматкечын, рушарнян да шочмын. Йошкар-Ола – Яранск поезд кугарня, шуматкечын да рушарнян, а мӧҥгеш каныш кечылаште да шочмын. Тичмаш да кумда информацийым  перевозчикын сайтыштыже да РЖД мобильный приложенийыштыже палаш лиеш. ППК «Содружество» 8 (937) 625-04-33 , сайт www.sodruzhestvoppk.ru


Марий Эл Радио

Марий Элыште Ошла эҥерым эрыктат

  • Дата: 15:36, 15-04-2021
  • Просмотров: 406

Марий Элыште Ошла эҥерым эрыктат. Оршанка районысо Изи Кукнур ял воктене эҥерым тӱзаташ документым ямдылат. Тиде вӱд объект – Марий Элыште ик эн кугу вӱдым аралыме вер. План дене тудым йошкын дечын 2023-2024 ийлаште эрыктышаш улыт. Регионысо пӱртӱс ресурс министерстве палдара: тидлан федерал бюджет гыч 60 миллион тенгем ойырат. 


Марий Эл Радио

Калык кидпаша мастар Лидия Веткинан у альбомжо лектын

  • Дата: 15:35, 15-04-2021
  • Просмотров: 466

Калык кидпаша мастар Лидия Веткинан у альбомжо лектын. Тушто мастар еҥын пашаже-влак дене палыме лийын кертына. Альбомышто Шернур кундемыште илыше марий-влакын вургем ойыртемыштым ужына: кеҥеж, теле, шыже, шошо жаплан келыштарыме.