Марий Эл Телерадио » Материалы за 29.04.2021 » Страница 3
Марий Эл Радио

Йошкар-Олаште тений кеҥежым 28 тӱжем утла икшыве тӱрлӧ лагерьлаште канышаш

  • Дата: 14:38, 29-04-2021
  • Просмотров: 356

Йошкар-Олаште тений кеҥежым 28 тӱжем утла икшыве тӱрлӧ лагерьлаште канышаш, тидлан 12 миллион утларак тенге ойыралтеш. Икшыве-влакын кеҥеж канышышт, тыгак рӱдо олан социал-экономике могырым вияҥмашыже нерген Оласе погынын черетан заседанийыштыже ойленыт. Мэр Евгений Маслов 2020 ийысе пашам иктешлен. Рӱдӧ олаште ятыр проект илышышке пура, тиде очистной сооруженийын модернизацийже, Киров –Строитель-влак уремлам ушышо магистральым чоҥымаш, социал инфраструктурым вияҥдыме паша. Тений Йошкар-Олаште 22 километр корным тӧрлат, шукыжым «Лӱдыкышыдымӧ да сай качестван автомашина корно» национальный проект дене келшышын. 


Марий Эл Радио

Пожарым йӧртышӧ-влакын профессионал пайремышт вашеш пожарный да утарыше-влаклан чапкӱм почыныт

  • Дата: 14:37, 29-04-2021
  • Просмотров: 287

Пожарым йӧртышӧ-влакын профессионал пайремышт вашеш пожарный да утарыше-влаклан чапкӱм почыныт. Тудо Йошкар-Олаште Воскресенский паркыште верланен.  Памятникын негызышкыже икымше кӱйым 2017 ийыште пыштеныт, тудын дечын вара конкурс эртен. Памятникым сӱретче-влак Анатолий Ширнин да Сергей Яндубаевын проктше дене ыштеныт. Памятник  тыныс илышын геройжо-влаклан пӧлеклалтын, тушто утарыше кидыштыже йочам кучен шога, шеҥгелныже тулойып коеш, воктеныже тудын полышкалыше пий. Памятникым почмашке регион вуйлатыше Александр Евстифеев, тыгак республикын сенаторжо-влак Константин Косачев да Сергей Мартынов ушненыт да пожарым йӧртышӧ-влакым профессионал пайремышт дене саламленыт. 



Марий Эл Радио

Тоштемше пӧртла гыч 195 еҥым у йӧнан илымверышке кусареныт

  • Дата: 14:34, 29-04-2021
  • Просмотров: 363

Тений республикыште «Илымвер да Оласе среда» нацпроект дене келшышын, тоштемше пӧртла гыч 195 еҥым у  йӧнан илымверышке кусареныт. Тиде проект нерген регион-влакын вияҥмашышт шотышто правительстве комиссий президиумын заседенийыштыже каҥашеныт. Видеоконференцийым Марат Хуснуллин эртарен. Совещанийышке регион вуйлатыше Александр Евстифеев ушнен. Мемнан республикыште 2019 гыч 2023 ий марте 8801 квадрат метр тоштемше илымверла гыч 643 еҥым кусарышаш улыт, 179 пачерым налаш контрактым пеҥгыдемдыме, эше 72 еҥ оксам налын. Лишыл ийлаште республикыште илымверым утларак чоҥаш палемдат, тений план дене 363 тӱжем квадрат метр илымверым ыштышаш улыт, 2027 ийыште тидын дечын кокшудӧ тӱжем квадрат метрлан шукырак. Йошкар-Олаште 2023 ий марте аварийныйлан шотлалтше 63 пӧртла гыч еҥ-влакым кусарышаш улыт.   


Марий Эл Радио

Гармоньчо-влак Василий Теркинын Кубокыштыжо вашлийыныт

  • Дата: 14:33, 29-04-2021
  • Просмотров: 344

 Гармоньчо-влак Василий Теркинын Кубокыштыжо вашлийыныт. Регион-влак кокласе конкурс Шернурышто кокымшо гана лиеш. Тудын вашеш конкурсышко ойырымо этап-влак эртат, кодшо кечылаште иктыже лийын.  Шернур тӱвыра полатыште Волжский, Морко, Советский районла гыч команде-влак вашлийыныт, икмыняр шке шотан таҥасымаште усталыкыштым ончыктеныт. Тиде, мутлан, калык куштымашым шоктымаш, тыгак Шернур районын 100 ийжылан пӧлек, сар але Сеҥымаш нерген муро. Тиде фестиваль икымше гана 2019 ийыште эртен, тунам Василий Теркинын Кубокшым да гармоньым Шернур районын командыже сеҥен. Лишыл тылзылаште ойырымо этап-влак эртат, а вес ийын Кубокын финалже лиеш. 


Марий Эл Радио

Спортым кӱкшышышкӧ нӧлталаш у йӧн, тидын годым тазалык дене эмганен вияҥше-влакланат тӱткышым ойырат

  • Дата: 14:06, 29-04-2021
  • Просмотров: 403

Спортым кӱкшышышкӧ нӧлталаш у йӧн, тидын годым тазалык дене эмганен вияҥше-влакланат тӱткышым ойырат. «Демографий» национальный проект дене келшышын, спорт организаций-влаклан кугыжаныш полыш ойыралтеш. «Паролимпийский резерв шотышто спортивно-адаптивный школ» кумшо ий почела экипировкым да оборудованийым уэмдаш субсидийым налеш. Республикыште базовый спортын 11 тӱрлыкшӧ  шотлалтеш. Сокыр-влакын спортышт да эше кандаш дисциплине у инвентарь да экипировко дене пойдаралтыт: дзюдо дисциплинын спортсменже-влаклан професисионал кимоно, иймаш дене кылым кучышо-влаклан тӱрлӧ спорт инвентарьла. Тений республикыште спорт организаций-влаклан полыш семын 3 миллион утларак тенге толын, спортивно-адаптивный школлан 200 тӱжем утла теҥге. Тиде окса дене у инвентарльым налыныт. Тудо самырык спортсмен-влакын кӱкшыштым кугемдаш полша. 


Марий Эл Радио

«Пеледыш пайремын» 100 ийжылан пӧлеклатше фотовыставке почылтын

  • Дата: 14:05, 29-04-2021
  • Просмотров: 354

Республикын кугыжаныш архивыште «Тӱрлӧ культур, йӱлалан пӧлеклалтше йыргешке ӱстел» эртен. Тушто кугыжаныш, йӱла, тӱвыра пашаеҥ, шанчызе, архивист-влак чумыргеныт. 


Марий Эл Радио

Йошкар-Олаште у автовокзалын зданийжым чоҥаш тӱҥалыт

  • Дата: 14:02, 29-04-2021
  • Просмотров: 294

Май тылзыште Йошкар-Олаште у автовокзалын зданийжым чоҥаш тӱҥалыт. Тудо Ленинский проспектын Карл Либкнехт да Киров урем-влак ушнымаште лиеш. Проектым 100 миллион теҥгелан акленыт, оксам федерал да регионысо бюджет гыч ойырат. Ик пачашан зданийыште автобус-влакым вучымо зал, ава да икшывын пӧлемже, кассе-влак, погым аралыме камере, врачын кабинетше лийыт. Автовокзал кумдыкымат тӱзатат, тушто пассажир-влаклан 10 перроным ыштат, шудым ӱдат, пушеҥге-влакым шындат. 

Ушештарена, автовокзалын тошто, шаланаш тӱҥалше оралтышыже посна еҥын погыштыжо улеш, садланак республике тудын реконструкцийжылан оксам ойырен огеш керт, а погооза тидым ышташ огеш вашке. 


Марий Эл Радио

Коронавирус инфекцийлан кӧра тений шошо да паша кечылан пӧлеклалтше шествий огеш лий

  • Дата: 14:01, 29-04-2021
  • Просмотров: 313

Коронавирус инфекцийлан кӧра тений шошо да паша кечылан пӧлеклалтше шествий огеш лий. Тидын нерген Инстаграммыште Марий Эл вуйлатышын официальный аккаунтыштыжо увертарат. Демонстраций -влак кокымшо ий огыт лий. Эпидемиологический ситуацийлан кӧра профсоюз организаций-влакын таҥошкылмашышытым чарыме. 

Тидланак кӧра «Курымашлык полк» акцийым 9 май гыч 24 июньлан кусарат. Сеҥымаш кечын республикыште илыше-влак акцийышке онлайн ушнен кертыт.


Лента новостей

В Министерстве образования Марий Эл рассказали о планах ведомства на 2021 год

  • Дата: 14:01, 29-04-2021
  • Просмотров: 700
28 апреля прошло первое в 2021 году заседание Общественного совета при республиканском Министерстве образования и науки. Главными темами обсуждения стали итоги работы ведомства в 2020 году и задачи на ближайшую перспективу.