Погода в Йошкар-Ола:
Марий Эл Телерадио » Материалы за 20.07.2021 » Страница 2
МАРИЙ ЭЛ ТВ

«Марий Эл ТВ»: В Йошкар-Оле разработали 10 видеоуроков по проекту «Марийский язык в динамике»

  • Дата: 19:54, 20-07-2021
  • Просмотров: 100
«Марий йылме вияҥмаште». Тыгай лӱман проектым ӱмаште Республикысе марий тӱвыра рӱдерын пашаенже-влак илышыш шындараш кыртмен пижыныт. Талук мучко шуйнышо паша тӱвыргӧ саска дене куандарен. Тиде – марий йылмым туныктымо 10 видеоурок. Нуным ямдылыше спкциалист-влак дене мемнан съёмочный группына вашлийын. 

МАРИЙ ЭЛ ТВ

«Марий Эл ТВ»: С 9 по 16 июля у марийцев прошла неделя Сӱрем

  • Дата: 19:53, 20-07-2021
  • Просмотров: 89
Сӱрем - марий калыкын жаплыме пайремже. Тений Сӱрем арня 9 гыч 16 июль марте шуйнен. Йӱла почеш пытартыш кечын калык да онаеҥ-влак погынен, юмылан пелештат. Таче Сӱрем кумалтыш-влак Морко районысо Унчо да Шеҥше кундемлаште да Волжск районысо Корамасыште аралалтыныт. 

Марий Эл Радио

Икмыняр тылзыште республикыште 113 гектар ужар кумдык йӱлен

  • Дата: 15:06, 20-07-2021
  • Просмотров: 60

Икмыняр тылзыште республикыште 113 гектар ужар кумдык йӱлен. Марий Элыште 55 чодыра пожар лийын. Тидын нерген регионысо пӱртӱс ресурс министерстве палдара. 20-23 июльышто республикысе чодыралаште пожар лийын кертме лӱдыкшӧ кугу. Тиде жапыште еҥ-влаклан тулым ылжыташ, шӱкым йулалташ огыт темле, автомашина гычат тамакым кышкыман огыл. Чодыраште пожар лӱдыкшыдымылык правилым пудыртымылан администравтиный да уголовный муткучыш лийын кертеш. 


Марий Эл Радио

Марий Элыште «Земский доктор» да «Земский фельдшер» программе дене келшышын 26 врач да 9 фельдшер тора яллашке пашашке каят

  • Дата: 15:05, 20-07-2021
  • Просмотров: 160

Марий Элыште «Земский доктор» да «Земский фельдшер» программе дене келшышын 26 врач да 9 фельдшер тора яллашке пашашке каят. Районлаштат тиде программе дене пашам ыштыше-влак улыт. Тыге, мутлан, Звенигово районысо Шимшурга ялышке кок ий ончыч самырык специалист толын. Пандемий жапыште прививкым шындымаште тырша, еҥ-влаклан полша. Кодшо ийын республикыште специалист-влак Оршанка, Шернур, Медведево районлашке пашашке каеныт, а 2012 ий гыч чылаже 160 специалист яллашке пашам ышташ каен. Кок ий ончыч программышке вашталтышым пуртеныт. Целевой направлений ден вузым пытарыше самырык специалист-влак «Земский доктор» семын яллашке каен кертыт. Тыгодым медицин учрежденийште кадр чӱдылык лийшаш. Тений Шернур, Волжский, Звенигово, Советский районлаште медпашаеҥ-влакым вучат. 


Марий Эл Радио

Шернур посёлкышто вӱдлан скважиным пролаш тӱҥалыныт

  • Дата: 15:03, 20-07-2021
  • Просмотров: 141

Шернур посёлкышто вӱдлан скважиным  пролаш  тӱҥалыныт. Республикысе яллаште вӱдым ситараш Марий Эл Правительстве 34 миллион теҥге оксам ойырен. Тиде окса дене у скважине ден резервуарым чоҥат. Шернурысо рӱдо вӱд заборышто ешартыш артезиан скважиным кӱнчаш тӱҥалме. Тудо суткаште 250 кубометр вӱдым тулен лукшаш. Пашан акше кок миллионат 250 тӱжем теҥге. Тиддеч посна райрӱдыштӧ Энергетик ден Садовый уремласе вӱд пучым ик оҥгыш ушат. Тидын нерген район администраций палдара. 


Марий Эл Радио

Марий кундем гыч медшӱжар Российыште эн сай-влак коклаште

  • Дата: 15:01, 20-07-2021
  • Просмотров: 136

Марий кундем гыч медшӱжар Российыште эн сай-влак коклаште. «Кыдалаш медицина да фармацевт шинчымашан эн сай специалист» Россий кӱкшытан конкурсышто «Эн сай кугурак медшӱжар» номинацийыште Светлана Чернышова кумшо верым сеҥен. Тудо Йошкар-Оласе перинатал рӱдерыште аза-влаклан реанимаций пӧлкаште кугурак медшӱжарлан пашам ышта. Конкурсыш Российысе 68 кундем гыч 349 паша пурен, сеҥышыш 8 номинацийыште улыжат 24 еҥ лектын. Светлана 2002-шо ий гыч перинатал рӱдерыште тырша. 


Марий Эл Радио

Республикын рӱдӧ олаштыже 2024 ий марте 42 тӱрлӧ корным тӧрлат

  • Дата: 14:59, 20-07-2021
  • Просмотров: 108

Республикын рӱдӧ олаштыже 2024 ий марте 42 тӱрлӧ корным тӧрлат. Йошкар-Олаште пашам график дечын ончыч ыштат, «Лӱдыкшыдымӧ да сай качестван автомашина корно» национальный проект дене келшышын, икмыняр вере пашам мучашленыт, ятыр вере тӧрлат. Тачысе кечын кугу пашам Киров да Тыныслык урем ушнымаште, Вараксинский кӱварыште, тыгак Водоканал воктенсе кӱварыште ыштат. Корно ужаш-влакым петырымаш автомашинам виктарыше-влаклан нелылыкым ышта гынат, пашам мучашлыме марте жап шуко кодын огыл. Киров ден Тыныслык урем ушнымаште август мучаште пашам пытарышаш улыт гын, Вараксинский кӱварыште август тӱҥалыште. Экспрет-влакын шотлен лукмышт почеш мемнан республике «Лӱдыкшыдымӧ да сай качестван автомашина корно» нацпроектым илышышке пуртымаште ик эн ончыл верыште. Кодшо ийын гына 170 километр корным тиде проект дене тӧрлымӧ. 


Марий Эл Радио

Волжск олан социал-экономике могырым вияҥмыже нерген совещанийыште мутланеныт

  • Дата: 14:58, 20-07-2021
  • Просмотров: 85

Волжск олан социал-экономике могырым вияҥмыже нерген совещанийыште мутланеныт. Тудым регион вуйлатыше Александр Евстифеев эртарен. Тӱҥ йодыш – у тунемме ийлан ямдылалташ. Волжскышто 6-шо номеран  тошто школым 1 сентябрь марте тӧрлат, а кок ий гыч зданийын у оралтыжым ыштен шуктышаш улыт. Кызыт школым у тунемме ийлан ямдылат,  пашаеҥ-влак негызым пеҥгыдемдат, август марте пашам мучашлышаш улыт. Школын у зданийжым чоҥымо нерген ойлаш гын, кызыт верым ойырат.