Регион вуйлатышын кӱштымашыже дене Роспотребнадзорын у йодмашыжым шукташ школ-влаклан у тунемме ий вашеш ешартыш шийвундым ойырат. Тений тунемме вер санитар-эпидемиологий йодмашым шуктен пашам ыштышаш. Тидыже коронавирус инфекцийым шижтараш кӱлеш. Школ-влакын пашаштым саемдаш оласе округ да муниципал район-влаклан ешартыш шийвундым ойырат. Марий Эл Правительствын распоряженийже дене тидлан 13 млн 802 тӱжем теҥгем ойырат. Ешарена, А.Евстифеев коронавирус инфекцийым шижтарыме шотышто оперативный штабын заседанийыштыже школ-влаклан 500 градусникым колташ кӱштен. Нине термометр-влакым Россий Констиуцийышке вашталтышым пуртымо йӱклымашым эртараш налме.
Комментариев: 0