Марий Элыште ятыр туныктышо сулен налме канышыштат пашам ышта. Пенсий фондышто палемдыме дене, тиде сулен налме канышыште улшо-влак гыч 56%. Туныктышо-влак страховой пенсийым моло дечын ончыч налын кертыт. Тудлан 25 ий стаж кӱлеш. Таче кечын тыгай пенсийым 8134 педагог налеш. Кокла шот дене, тиде 12257 теҥге. Регионысо пенсий фондышто ушештарат, пенсийыш лекме ийгот кугемме дене, 2022 ий дечын вара туныктышо-влаклан пенсий 25 ий педагогике стаж дечын вара тӱлалташ тӱҥалеш. Тыгодым ончылгоч лекше-влак пашамат ыштен кертыт.
Комментариев: 0