Марий Эл Телерадио » «Калыкын чонжо» республике правительствын премийжым сулышо-влакым саламленыт

12:17, 18-12-2020«Калыкын чонжо» республике правительствын премийжым сулышо-влакым саламленыт

«Калыкын чонжо» республике правительствын премийжым сулышо-влакым саламленыт. Марий Элым вуйлатыше Александр Евстифеев 2020-шо ийлан Правительствын «Калыкын чонжо» премийжым пуымо шотышто распоряженийышке кидпалыжым пыштен. «Калык куштымаш» номинацийыште Курыкмарий районысо калык тӱвыра рӱдер гыч «Мистерия» образцовый хореографий студий гыч Ольга Музурова – «Поддубная» премийым сулен. «Калык мурымаште» Килемар районысо Арде тӱвыра пӧртын «Россияночка» ден «Май» мурышо калык ансамбль-влакым вуйлатыше Александр Новосёловым саламленыт. «Калык тӱвыра» номинацийыште Советский районысо Кукмарий тӱвыра пӧртын «Весела кумыл» калык фольклор ансамбльжым вуйлатыше Надежда Волковам палемдыме. «Калыкле семӱзгар сем» номинацийыште Курыкмарий районысо кӱслезе-влакын «Шикӓ-викӓ» образцовый ансамбльышт налын. «Театр усталыкыште»  - «Карнавал» йоча театр студийым вуйлатыше Римма Виногорова, «Кидпаша сымыктыш аланыште калык мастар» номинацийыште «Чудеса в решете» калык кидпаша усталык студийым вуйлатыше Ирина Чугунова премий дене палемдалтыныт.

Просмотров 495
    • Нравится
    • 0
Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментариев: 0

Добавить комментарий