«Сеҥымаш салют» умбакыже шуйна. Кугу Ачамланде сарыште сеҥымылан 80 ий теммылан полеклалтше калык усталык фестивальыште эртыше каныш кечылаште Килемар округ, Волжск, Юрино, Звенигово район-влакын колективышт мастарлыкыштым ончыктеныт. Сеҥымашын 30-шо идалыкше лӱмеш тӱвыра полатын фойештыже фотоончер да декоративно-прикладной усталык ончер-влак пашам ыштеныт. Тушто районышто илыше еш-влакын архивышт гыч налме оҥай документ-влак лийыныт. А сцене гоч участник-влак шочмо элым йӧратыме нерген муро да куштымаш гоч каласкаленыт, тӱрлӧ йӱлам ончыктеныт.