Кужэҥер районын усталык коллективше-влак «Сеҥымаш салют» фестивальлан ямдылалтыт. 23 мартыште нуно Йошкар-Олашке толыт. Сеҥымашын 30-шо идалыкше лӱмеш тӱвыра полатыште концерт программым ончыктат. Кугу Ачамланде сарыш Кужэҥер район гыч чылаже 7 тӱжемат 390 еҥ каен. Кум тӱжем утлаже пӧртылын огыл, ик тӱжемат 686 еҥ увер деч посна йомын. Нунын патырлык койышыштым аклен да тауштен концерт програмыште сарын кочыжо, ты кундемын посна историйже нерген каласкалат. Концертым 16 курымысо историй гычак тӱҥалыт. Марий патыр Камайын подвигшым сцене гоч ончыктат.