Май пайрем-влак вашеш Йошкар-Олам сылнештарат. Сенымашлан 80 ий теме лӱмеш рӱдоланан кумдыклаштыже пушеҥге ден вондер-влакым шындат: каштаным, ирпӱнчым, кож-влакым. А калык коштмо верлаште гын, волгыдо иллюминаций-влак улыт. Мутлан, Марий паркыште, Ната Бабушкина лӱмеш скверыште арке сынан волгыдо светодиод иллюминаций-шамыч улыт. Тыгаяк моторлык Кокшайский проезд ден Строитель, Карл Либкнехт ден Лебедев уремласе корнывожлаште уло.