Марий книга издательстве савыктыш пӧрт тений октябрьыште 100 ияш лӱмгечыжым палемда. Идалык мучко вашлиймаш, книга презентаций да моло мероприятий-влак эртат, мемнан республикыште гына огыл, ӧрдыж кундемлаштат. Мутлан, шукерте огыл Марий савыктыш пӧртын пашаеҥже-влак Одо кундемыште Книга фестивальыште лийыныт. Тылеч вара, Башкортостаныште, Китап-Байрам книга ярмиҥгашке коштыныт.