Мобилизованный-влаклан полшаш расчетный счетым почыныт. Тушко кажне кумылан еҥ окса полышым колтен кертеш. Мутат уке, военнослужащий-влаклан тӱҥ шотышто чыла пуалтеш. Но вургем вашке пыта, сандене перчатке, кем да моло кӱлешан арвер ситышын лийшаш. Тиде пашам Социал вияҥдымаш министерствыште виктарат. Юрий Зайцев еш-влаклан полшаш кӱштен. Спецоперацийыш кайыше кажне участниклан социал паспорт ышталтеш. Тудын ешыжлан але лишыл родыжлан полыш кӱлеш гын, чыла тиде шукталташ тӱҥалеш. Тачысе кечылан 644 паспортым ыштыме. Тушто ешыште мыняр икшыве, полыш ойыралтме, кредитым тӱлымӧ шотышто нелылык уло-укем палемденыт. Тыге мутлан, социал аралтыш пӧлка-влак мобилизованный-влакын лишыл родыштлан шотлалтше илалше 8 еҥлан полышым ойырат, тыгак кок инвалид йочам патронажышке налыныт. Социал аралтыш министерствын компетенцийышкыже пурыдымо йодышым, вес министерствын специалистше-влаклан колтат.
Комментариев: 0