10:56, 24-11-2022Республикынан районлаштыже мобилизованный-влаклан полышым чумырымо поро кумыл концерт-влак эртаралтыт

Республикынан районлаштыже мобилизованный-влаклан полышым чумырымо поро кумыл концерт-влак эртаралтыт. Кодшо кечылаште Шернур районысо Сердеж тӱвыра да каныме рӱдерыште тыгай кас лийын. Тушко Шернур тӱвыра пӧрт, Казанский да Сердеж рӱдер, Чашкаял клубын коллективышт ушненыт. Весымат палемдыман, марий кундем гыч тунемме частьлаште улшо мобилизованный-влакат декат марий артист-влак коштыт. Кодшо кечылаште Татьяна Соловьева, Вадим Краснов, «Каче-влак» группо, тыгак «Шуматкече» ансамбль миеныт.