Салтаклан серыш
12:04, 19-10-2022. Разместил: zhannk
Российысе чыла школышто «Салтаклан серыш» акций эрта. Марий Элысе тунемше-влакат специальный военный операцийышке ушнышо-влаклан шке тыланымашыштым возеныт. Южо тунемме верла гыч серышым специальный военный операций кайыме верышке, сарзе частьлашке колтенат шуктеныт. Тачысе кечын элыште йоча-влак 243 тӱжем утла сӱрет да серышым ыштеныт. Медведево 3-шо номеран школыштат ты патриот акций лийын. Йоча-влак тушко кумылын ушнен, шке шижмашышт, ӱшанышт да кугешнымаш кумылышт нерген салтак-влаклан возеныт.
Вернуться назад