Марий Эл деч сенатор Сергей Мартынов Марий Турекыш миен коштын

Марий Эл деч сенатор Сергей Мартынов Марий Турекыш миен коштын. Тиде гана тудо ты кундемыште частичный мобилизаций каен шогымым терген. Сенатор палемден: граждан-влаклан призыв нерген умылтарымаш, медицин тергымаш, отсрочко нерген палдарымаш паша-влак сай кӱкшытыштӧ шукталтыт. А эше Марий Турек гыч Донбассыш ятыр гуманитар полышым поген колтымо. Мобилизацийыш логалше-влаклан гын верысе калык да предприятий-влак медикамент-влак да кочкыш сатум, бензогенератор да тепловой пушко-влакым, экипировко да шокшо вургем-влакым погеныт.