Мобилизаций почеш порысым шукташ кайыше-влакын лишыл еҥышт социал кыл гоч ятыр йодышым тарватат

Мобилизаций почеш порысым шукташ кайыше-влакын лишыл еҥышт социал кыл гоч ятыр йодышым тарватат. Йодмаш-влак республикынам вуйлатыше Юрий Зайцевланат пурат. Шукерте огыл тудо  икмыняр еш дене шкежак вашлийын мутланен. «Лишыл еҥда верч азапланымым мый умылем. Мый нунын дене Ульяновскышто шке вашлийынам да мо дене полшаш кӱлмым рашемденам. Тиде йодыш мыйын ончыл верыште», - умылтарен погынышо-влаклан. Тыгак республикым вуйлатышын ойлымыж почеш, боец-влаклан социал гарантийым пуымо шотыштат чыла ышталтеш. Мутлан, вашлиймашке толшо Татьяна Леонтьевалан «Социал няня» услуго моткоч кӱлешан. Икшывым бассейныш коштыкташ аван йӧнжӧ уке. Юрий Зайцев ты йодышым верыштак рашемден. Моло йодмаш-влакат жапыштыже шукталтыт. Тидын нерген лач кӱлеш верыш йодмашым гына колтыман.