Правительстве пӧртышто частичный мобилизацийын пашажлан полышым ойырымо шотышто координационный советын заседанийже лийын

Правительстве пӧртышто частичный мобилизацийын пашажлан полышым ойырымо шотышто координационный советын заседанийже лийын. Тудым Юрий Зайцев эртарен. Республикыште военнослужащий да нунын ешыштлан тӱрлӧ шӧрынан полыш ойыралтеш. Координационный советын еҥже-влак Ульяновский областьыште лийыныт, тушто салтак-влакын илыме йӧныштым акленыт. Илыме ангарлаште вентиляцийым ыштеныт. Тазалыкаралтыш министерствын еҥже палдарен: тунемме рӱдерышке медик-влак миеныт, южыжыштлан стоматологын экстренно полышыжо кӱлын.  Тидлан Мордовийын Минздравше пӱйым эмлаш мобильный комплексым ойырен.

 Республикыште 1 тӱжем утла ешлан социал паспортым ыштыме, кӧлан могай полыш кӱлеш, шотышко налыт. Сентябрь тылзе гыч мобилизованный-влакын ешыштлан республикын театр-ончымо учрежденийлашке яра билет-влакым ойырат. У ий вашеш йоча-влаклан тӱвыра учрежедений-влак тӱрлӧ мероприятийым эртарат. Очно тунемше студент-влаклан кажне тылзын 2 тӱжем теҥгем пуат.