Марий Эл Телерадио » Последние публикации на сайте » Страница 1704
Марий Эл Радио

«Марий Эл Радион» приложенийжым икмыняр арняште кок тӱжемат 500 утла еҥ шке телефонышкыжо вераҥден

  • Дата: 12:51, 12-11-2021
  • Просмотров: 330

«Марий Эл Радион» приложенийжым икмыняр арняште кок тӱжемат 500 утла еҥ шке телефонышкыжо вераҥден. «МЭТР ФМ» радиостанцийынат ынде шке приложенийже уло. 


Марий Эл Радио

Саркуралым кучышо оза-влакым тергат

  • Дата: 12:48, 12-11-2021
  • Просмотров: 326

Саркуралым кучышо оза-влакым тергат. Идалык тӱналтыш гыч 5 тӱжем утла еҥ тергымашым эртен. Нунын кокла гыч законым пудыртен аралымылан 278 еҥым мут кучаш шогалтеныт. Саркуралым, патрон да пычалтарым аралымаште регистрацийым жапыште шуйымаш нергенат мондыман огыл. Мут толмашеш, тений гыч лицензийым  21 ияш деч кугурак ийготан-влаклан веле пуат. Адакшым, ты вашталтыш воинский службым эртыше-влаклан ок логал.


Марий Эл Радио

Судебный пристав-влак Кугыжаныш автоинспекций дене пырля черетан рейдышке лектыныт

  • Дата: 12:46, 12-11-2021
  • Просмотров: 324

Судебный пристав-влак Кугыжаныш автоинспекций дене пырля черетан рейдышке лектыныт. Ты гана Йошкар-Ола гыч лекмаште Шернур тракт дене автомашина-влакым парымышт уло- укелан тергеныт. Икмыняр шагат жапыште 60 наре автомашинам тергеныт, тышечын 6 еҥын парымышт лийын. Нуно 10 кече жапыште шке парымыштым огыт петыре гын, погыштым виеш ужалымашке луктыт. Ведомствын пресс-службыжо палдара, шукыж годым еҥ-влак парымым верыштак тӱлат. 


Марий Эл Радио

Йошкар-Олан уремлаштыже у светофор-влак лийыт

  • Дата: 12:44, 12-11-2021
  • Просмотров: 355

Корно туткар шукеммылан кӧра, Хасанов уремыште йолешке вончымо верым кораҥдат. Тиде верыште  ешартыш понар-влакым шогалтымекат, корно правилым пудыртышо-влак шагалемын огытыл. Сандене  Хасанов дене Карл Маркс урем корнывожышто кок вере кнопкан светофорым шогалтат. Кызытеш йолешкылан вончаш у вер ямдылалтеш.


Марий Эл Радио

Марий Элыште «Спутник Лайт» вакциным ынде ревакцинацийлан гына кучылташ тӱҥалыт

  • Дата: 12:43, 12-11-2021
  • Просмотров: 495

Марий Элыште «Спутник Лайт» вакциным ынде ревакцинацийлан гына кучылташ тӱҥалыт. Кызыт мемнан дене «ЭпивакКорона», «КовиВак» да 1500 наре доза «Спутник Лайт» вакцине-влак улыт. Иммунный системым сайынрак ямдылаш, кок компонентан прививкым ышташ темлат.


Марий Эл Радио

Марий Эл – корным сайын чоҥышо да тӧрлышӧ 10 регион радамыште

  • Дата: 12:41, 12-11-2021
  • Просмотров: 421

Марий Эл – корным сайын чоҥышо да тӧрлышӧ 10 регион радамыште. 8 ноябрьысе данный дене келшышын, «Лудыкшыдымӧ да сай качестван автомашина корно» нацпроект дене пашам шуктымаште ме 6 верыште улына. Корным тӧрлымӧ да чоҥымо нерген регионысо вияҥмаш шотышто Правительстве комиссий Президиумын черетан заседанийыштыже мутланеныт.