Баннер
Марий Эл Телерадио » Последние публикации на сайте » Страница 2399
Марий Эл Радио

Козьмодемьянскыште Космонавт-влак бульварыште аллейым тӱзатат

  • Дата: 14:55, 6-04-2021
  • Просмотров: 507

Козьмодемьянскыште Космонавт-влак бульварыште аллейым тӱзатат. Пашам «Оласе йӧнан средам ыштымаш» проект дене келшышын шуктат. Проектын акше – 10 миллион теҥге.  Аллей у тӱсым тений налеш, тудо кодшо ийын почмо «Сияние» техноскверым шуя. Тушто улшо корнышко асфальтым шарат, теҥгыл да урно-влакым келыштарат, тыгак понар да   15 видеоэскерымаш камерым вераҥдат. Ленинын памятникын постаментшым керамогранит плита дене оптат, тыгак тошкалтышым шотышко кондат, да мэрийын оралте воктеныже пеледыш клумбо-влакым ыштат. Администрацийыште палдарат: пашаеҥ-влак кодшо кечылаште пушеҥге-влакым шотышко кондаш  тӱҥалыныт. 


Марий Эл Радио

Регионысо 18 добровольческий проект Марий Эл вуйлатышын грантшым сеҥен

  • Дата: 14:53, 6-04-2021
  • Просмотров: 408

Регионысо 18 добровольческий проект Марий Эл вуйлатышын грантшым сеҥен. Поро пашам ыштыме шотышто практике, тыгак корпоративный волонтерствылан полыш ойыралтеш. Сеҥыше-влак радамыште тунемме тӧнеж, волонтер организаций, библиотеке да поро кумылым ончыктышо фонд-влак улыт. Нунын дене самырык-влакын политике, спорт да туризм министерствыште палыме лияш йӧн уло. Конкурс «Образований» национальыный проектын «»Социальная активность» регионысо проект дене келшышын эртен. 


Марий Эл Радио

Кужун шуйнышо шошо корным чоҥышо-влаклан чаракым ышта

  • Дата: 14:52, 6-04-2021
  • Просмотров: 372

Йошкар-Оласе уремлаште лакылам литой асфальт дене петыркалат. Каныш кечылаште рӱдӧ олаште 12 тонн вартышым оптеныт. Мэрийыште палдарат: Свердлов, Зарубин, Строитель уремлаште, Кокшайский тракт да Сеҥымаш бульварыште пашам шуктеныт. Йошкар-Ола уремлаште лакылам йӱдым петыркалат. Администрацийыште шижтарат: тиде жаплан веле. Игече шокшо лиймеке, корным тӱрыс тӧрлаш тӱҥалыт. Ушештарена, тений Марий Элыште 200 километр корным тӧрлышаш улыт. Федерал бюджет гыч республикылан 969 миллион теҥгем ойырат. 


Марий Эл Радио

Марий Элыште «Формирование комфортной городской среды» лӱман национальный проект умбакыже илышыш пурталтеш

  • Дата: 14:51, 6-04-2021
  • Просмотров: 397
Марий Элыште «Формирование комфортной городской среды» лӱман национальный проект умбакыже илышыш пурталтеш. Тений тудо вес йыжыҥыш кусна. Еҥ-влаклан тӱзатышаш объектым ойыраш йӧнан лийже манын, лӱмынак платформым келыштарат. Тушко «Госуслуги» портал полшымо дене регистрироватлалташ лиеш. Рӱдолаште илыше-влак 2022 ийыште оласе кӱмдыкым тузатыме шотышто шке шонымашыштым темлен  кертыныт. Спискыш 37 тӱшкан пайдаланыме кумдык пурталтын. Нунын кокла гыч 19-жым пенгыдемденыт да планыш пуртеныт.

Марий Эл Радио

Марий Элын социал-экономике вияҥмашын показатльже-влак регион вуйлатышын пашаче заседанийын тӱҥ темыже лийыныт

  • Дата: 14:48, 6-04-2021
  • Просмотров: 360

Александр Евстифеев регионысо правительстве еҥ-влак дене икмыняр йодышым каҥашен. Тачысе кечын чыла гаяк отрасль-влакын мыняр-гынат вияҥмыштым палемдаш лиеш. Ялозанлык сферыште паша кая, 2020 ийым иктешлен ончалаш гын, ялозанлык продукцийым лукмо производство кугыт 50 миллиард теҥгешке шуын, тидыже 2019 ий дене таҥастарымаште 4% шукырак. Кугу пашам чоҥымаш отрасль шуктен.  Экономике да соцаил сферым вияҥдаш инвестиций-влак кодшо ийын 37 миллиард теҥгешке шуыныт. 


Марий Эл Радио

Владимир Путин Федеральный Собранийлан шке ойжым 21 апрельыште ойла

  • Дата: 14:46, 6-04-2021
  • Просмотров: 356

Владимир Путин Федеральный Собранийлан шке ойжым вӱргечын 21 апрельыште ойла. Тидын нерген президентын пресс-секретарьже Дмитрий Песков увертарен. Мероприятийым эртарыме верым, варарак палдарат. Посланийын темыже-влакым огыт ойло, тиде йӱлашке пурен, но политик да эксперт-влак палемдат: элын вуйлатышыже пашам ыштыше пенсионер-влакын пенсийын индексацийже, коронавиурс дечын вакцинацийым ыштыме, Кугыжаныш Думышко йӱклымаш, экономикым пеҥгыдемдымаш, бизнеслан да профессионал спортлан полшымо нерген ойлаш тӱҥалеш. 


Марий Эл Радио

Республикышке коронавирус вакциным кӱлеш верышке намиен шукташлан рефрижератор-влакым конденыт

  • Дата: 14:44, 6-04-2021
  • Просмотров: 360

Республикышке коронавирус вакциным кӱлеш верышке намиен шукташлан рефрижератор-влакым конденыт. Специализированный автомашина-влак медицин оргнизацийлашке вакциным кондыштараш тӱҥалыт. Холодильный оборудований 20 градус йуштӧ марте кылмыктен, да 12 градус марте ырыктен кертеш. Рефрижератор-влакым республикысе бюджет кӱшеш налыныт. 


Марий Эл Радио

Писатель Александр Петровын у книгаже – «Саликан пиалже» роман

  • Дата: 14:40, 6-04-2021
  • Просмотров: 349

 «Саликан пиалже» роман марий калыкын ик эн йӧратыме «Салика» спектакльысе тӱҥ герой-влакын илыш корныштым умбакыже шуя. Тыште Саликан, Эчукын, Чопайын, вакшоза Ози Кузин, ялысе торговой еҥ Полат Акпайын, урядник Сармаевын да икмыняр моло персонажын образышт гоч граждан сар годсо, тыгак Совет властьым да Марий автономийым ыштыме пагытысе марий калыкын илышыж нерген ойлалтеш. 


Лента новостей

В Марий Эл стабильно снижается заболеваемость коронавирусом

  • Дата: 13:55, 6-04-2021
  • Просмотров: 1 129
Во вторник, 6 апреля, зампред Правительства РФ Татьяна Голикова провела очередное заседание Оперативного штаба по коронавирусу. В его работе принял участие Глава Марий Эл Александр Евстифеев.