Здравоохраненийын первичный звенон модернизацийжылан республикыште 2 миллиард наре теҥгем ойырат. Тиде окса дене поликлинике-влакым тӧрлат да чоҥат, у оборудованийым налыт, медицин организаций-влакын автопаркыштым уэмдат. Тиде программе 5 ий шуйна. Тудын дене келшышын, Йошкар-Олаште индешымше микрорайонышто у йоча поликлиникым ыштат, Медведево да Звенигово районлаште кум врачебный амбулаторийым, ФАП-влакым чоҥаш тӱҥалыт. Оласе да районлаште поликлиникылам тӧрлат. Тыге мутлан, Морко рӱдӧ эмылвмерын поликлиникыштыже тений леведышым, электропроводкым, вӱд пуч да канализацийышым уэмдат. Программе дене келшышын, медучреждений-влаклан 80 тӱрлӧ транспортым налыт. Ты марте Марий Элысе поликлиникылаште у маммограф-влакым, Курыкмарий да Морко районлаште у автомашина-влакым налыныт, Волжский районышто ФАП-ым чоҥаш тӱҥалыныт.
Комментариев: 0