Республикыште 104 тӱжем утла кугыеҥ коронавирус инфекций дечын прививкым шындыктен. Тиде план дечын 33 процент. Роспотребнадзор палдара:, прививкым ыштыктыше-влак гыч 45 процент, але 47 тӱжем утла - 36-59 ияш-влак улыт, 60 ий дечын кугырак ийготан-влак гыч 39 процент прививкым шындыктен. Шукынжо республикыште «Гам-КОВИД-Вак» але «Спутник V» дене вакцинацийым эртеныт. Республикыште илыше 70 тӱжем утла еҥ тичмаш курсым эртен.
Прививкым тӱшка дене эртат. Марий Эл Ий полатыште Спорт дене кылым кучышо тыгак тренер-влак прививкым шындыктеныт. Тренер-влак йоча-влак дене пашам ыштат, садланак шке тазалыкышт да икшыве-влакын лӱдыкшыдымылыкышт шотышто азапланат. Тӱшка иммунитет лиеш гын веле черым сеҥаш лиеш.
Комментариев: 0