Республикыште илыше-влак триколорым шке кид дене ыштен, Российысе акцийышке ушнен кертыт. Сеҥымаш тоштер «Россий тистын тӱсшӧ» онлайн-флешмобым увертарен. Акций россий тисте кечын 22 авгусышто эрта. Тиде кечын Сеҥымаш тоштерыште тӱрло кундемла гыч колтымо фото-влакым ужаш лиеш. Патриот онлайн-мозаикым чумырымашке чыла кумылан еҥ ушнен кертеш. Тидлан россий тистым тоштерын сайтыштыже вераҥдыман. Организатор-влак усталык шӱлышым пашашке пурташ йодыт: триколорым сӱретлаш, коллажым ышташ, ургаш, але тортым кӱэшташ лиеш. Икымше гана тыгай акций кодшо ийын эртен. Тудын нерген тичмаш увер-Сеҥымаш тоштерын сайтыштыже.
Комментариев: 0