Похожие новости
Мы рекомендуем Вам зарегистрироваться либо войти на сайт под своим именем.
Йошкар-Ола да республикын районлаштыже десантник-влакын пайремыштым палемденыт. Рӱдӧ олаште 6-шо рото да тудын командирышт Марк Евтюхиным шарналтеныт. Сеҥымаш бульварыште вуйым пыштыше десантник-влаклан информаций стойко-влакым вераҥденыт. Ветеран организаций кудымшо ротын боецше-влакын фотошт дене 42 меҥгым, ротын командирже – Марий кундемын шочшыжо Марк Евтюхинын бюстшо воктене вераҥден. Стойкылаште фотографий дене пырля герой-влак нерген тичмаш информаций уло. Ушештарена, Марк Евтюхин 6-шо ротын десантникше-влак дене пырля 2000-шо ийыште, Чечняште колен. Десантник-влакын кечыштым Советский районыштат палемденыт. Шарнымаш стелле воктене тиде кечын канде беретым тӱрлӧ ийлаште упшалше-влак чумыргеныт. Десант войска кече 1930 ий гыч тӱҥалтышым налеш. Тунам 2 авгусышто Воронеж воктене Москвасе сарзе округышто 12 парашютист десантник мландышке волен. Тидын дечын вара юж-десант войскам чумыраш тӱҥалыныт. Советский районышто илыше десантник-влакым ятыр уна саламлен.
Комментариев: 0