Марий Элыште коронавирус инфекцийым шижтарыме шотышто утларак ямде улмо режимым 13 сентябрь марте шуйымо. Республике правительстве пӧртыштӧ Александр Евстифеев оперативный штабын черетан заседанийжым эртарен. Кундемыште тиде вирус дене черланымаш огеш шагалем, садланак чарымаш-влакым лушкыдемдаш але эр. Тыгодым указышке икмыняр ешартышым пуртеныт, сатулымо рӱдерлаште фут-кордлашке пураш посна омса уло гын, нуно санитар правилым эскерен, пашам ыштен кертыт. Республикыште маскым чийыме режим умбакыже шуйна, еҥ-влак социал дистанцийым эскерышаш улыт, тыгак кинотеатр, концерт зал, театрлашке тичмаш зал гыч 50 процентшым веле пуртат.
Комментариев: 0