Марий Элыште икымше гана опер сымыктышын фестивальже лиеш. 8-ше гыч 19-ше сентябрь марте Йошкар-Олаште Андрей Эшпай лӱмеш опер сымыктышын фестивальже эрта. Тушто Мариинский да Михайловский театрын, Якутийысе опер да балет кугыжаныш театрын, Станиславский да Немирович-Данченко лӱмеш музыкальный театрын артистышт мастарлыкыштым ончыктат. Эрик Сапаев лӱмеш опера да балет кугыжаныш академический театр тиде фестивальым идалык еда эртараш шона. 8-ше сентябрьыште «Евгений Онегин» оперым, 10-шо сентябрьыште Якутий гыч «Калейдоскоп иллюзий» мюзиклым, 14-ше сентябрьыште «Риголетто» оперым ончаш лиеш.
Комментариев: 0