Килемар районысо Визимьяр школым тений капитально тӧрленыт. Тидлан 25 миллион теҥге палемдалтын. Леведышым, зданийын фасадшым, пищеблок, инженер коммуникацийым уэмденыт, у окнам шынденыт. Лишыл жапыште у мебельым кондат. Тений школышто «Точка роста» лӱман рӱдер почылтын, тушто естественно-научный да технологий виктыш дене келгырак шинчымашым пуаш тӱҥалыт. Школышто шуматкечын Александр Евстифеев лийын. Кызыт Визимьярыште 200 икшыве тунемеш, икымше классышке 23 йоча толын. Туныктышо-влак у технологийым кучылтыт, тунемше-влак тӱрлӧ конкурс да олмпиадылашке ушнат. Килемар районыштак лиймыже годым Александр Естифеев «Келшымаш пӧрт - калык-влак кокласе да тӱрлӧ тӱвыра кокласе келшымаш рӱдер» теме дене йыргешке ӱстел йыр мутланымашке ушнен. Тиде кугу объектым «Казанский посад» компаний чоҥа, 1 декабрь марте пырдыжым нӧлтен шуктен, леведыш йымаке пуртышаш улыт. Тидын дене пырля Александр Евстифеев кугарнян республикышке чоҥымаш да илымвер коммунал озанлык министр Ирек Файзуллинын толмыжо нерген каласкален. Федерал чиновник неле экономике жапыштат, чоҥымаш комплексым ыштымашым сай могыр гыч палемден. Регион вуйлатыше ешарен: лишыл жапыште тудо Юл кундемысе федерал округышто Россий Президентын ӱшанъеҥже Игорь Комаров дене совещанийышке ушнышаш. Тушто республикын социал-экономике могырым вияҥмаш программыжым каҥашаш тӱҥалыт. Россий чоҥымаш министрын республикышке толмыжо годым кугу тӱткыш очистной сооружений-влакын реконструкцийже йодышлан ойыралтын. Шуматкечын йыргешке ӱстел дечын вара регион вуйлатыше «Акпатыр» оперым аклен. Тудым Килемар райнышто Эрик Сапаев лӱмеш опер да балет театрын артистше-влак ончыктеныт.
Комментариев: 0