Марий Эл Телерадио » Марий Эл Радио » Регион вуйлатыше Александр Евстифеев Марий Турек район администраций вуйлатыше Сергей Решетов дене вашлийын

15:41, 7-09-2021Регион вуйлатыше Александр Евстифеев Марий Турек район администраций вуйлатыше Сергей Решетов дене вашлийын

Регион вуйлатыше Александр Евстифеев Марий Турек район администраций вуйлатыше Сергей Решетов дене вашлийын. Совещанийыште шокшым пуымо жаплан ямдылалтме, яндар йӱмӧ вӱдым ситарыме, корным да тротуар-влакым ыштыме нерген мутланеныт. Сергей Решетов палдарен: шокшым пуымо жаплан район улшо график дене келшышын ямдылалтеш. Тачысе кечын шӱйым да пум ситышын ямдылыме, котельный-влакым нормативлан келыштарат, тыгак пашаеҥ-влакым туныктат. Регион вуйлатыше теле жапыште лумым эрыкташ техникым ямдылыме нерген йодын. «Тидланат районышто паша ышталтеш», - иктешлен Марий Турек район администраций вуйлатыше. Александр Евстифеев яндар йӱмо вӱдым ситарыме нерген йодын. Кукшо кеҥеж жапыште Эҥерӱмбал да Хлебниково селаште тидын шотышто йодыш-влак лийыныт. Нине верлаште ешартыш скважиным ыштыман да вӱд пучым шупшман. Александр Евстифеев тиде йодышым рашемдаш кӱштымашым пуэн. Вашлиймаште корным ыштыме нергенат ойленыт. 

Просмотров 323
    • Нравится
    • 0
Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментариев: 0

Добавить комментарий