Йошкар-Олаште эн сай марий конферансьем – концерт программым вӱдышым – ойырат. Республикысе почмо смотр-конкурс 27 сентябрьыште Марий самырык театрыште лиеш, 18 шагатлан тӱҥалеш. Школышто кугурак класслаште тунемше, кӱшыл да кыдалаш тунемме тӧнеж-влакын студентышт, тӱвыра учреждений, музыкальный школ да книгагудо пелен пашам ыштыше усталык коллектив-влакын еҥышт конкурсышто шке мастарлыкыштым, концерт программым вӱдымаште шке моштымашыштым ончыктен кертыт. Конкурс марий йылме дене эрта. Сеҥыше-влакым кум номинацийыште палемдат. Йодмаш-влакым 20 сентябрь марте вучат. Йодышда уло гын, 45-88-51 номеран телефон дене йыҥгыртен, рашемдаш лиеш.
Комментариев: 0