16:37, 7-10-2021Сылнымут мастар-влак пырля чумыргеныт

Марий Элын писательже-влак «Сылнымут шыже -2021» семинарыш ушненыт. Тыгай погынымаш самырык возышо-влаклан полшымо, марий сылнымутым вияҥдыме амал дене кок ийлан ик гана эртаралтеш. Икымше гана тыгай семинар 1975 ийыште эртаралтын. Лӱмлӧ пагалыме поэт-писаталь: Зинаида Ермакова, Валерий Бердинский, Альберт Васильев, Зоя Дудина, Надежда Никитина дене пырля семинарыште шкем возымаште тергыше самырык тунемше-влак ушненыт. Нунылан каҥашым, возымо шотышто темлымашым мастар еҥ-влак пуэныт.