Козьмодемьянск оласе «Паллада» лӱман Парус клублан 10 ий. Тиде жапыште клубын воспитанникше-влак учебный судно дене ятыр вере лийыныт. Эсогыл Шем теҥыз да Тихий океан мартеат миен шуыныт. Эртыме маршрутын чумыр корныжым ончалаш гын, 30 тӱжем утла морской мильыш шуэш. Тидыже мландышарын тыртыш кужытшо дечат шукырак. «Паллада» клубын туныктымо программыже ик ийлан темлалтеш. Телым йоча-влак теҥыз пашам тунемыт, спорт дене заниматлат да кеҥежлан судно дене кошташ ямдылалтыт. Таче тиде клубышто 100 наре воспитанник шоталалтеш. Нуно ЮНАРМИЙын эртарыме кеч-могай мероприятийышкат кумылын ушнен шогат. Кок гана Российын чапшым Германийыште, Кечывалвел Корейыште, Китайыште, Французский Полинезийыште да Чили ден Аргентиныште араленыт.
Комментариев: 0