12:12, 9-12-2021Декабрь тылзыште корно полиций утларак тӱткӧ режимыште пашам ышташ тӱҥалеш.

Декабрь тылзыште корно полиций утларак тӱткӧ режимыште пашам ышташ тӱҥалеш. Автоинспектор-влак йӱшӧ вуя руль ончыко шичше, тыгак йолешке-влак дене кылдалтше корно туткарым шижтарымым эскераш тӱҥалыт. Пытартыш жапыште корно эҥгек-влак шукемыныт. Регионысо ГИБДД палдара, идалык тӱҥалтыш гыч 600 утла аварий лийын, тушто 70 еҥ колен, эше 800 утла сусыргеныт. Корно туткар-влакын тӱҥ амалышт – автомашинам виктарыше-влакын писын кудалышытмышт,  ваштареш полосашке лекмышт, тыгак йолешке-влакат корно правилым пудыртат. Пытартыш жапыште Волжский, Курыкмарий, Звенигово, У Торъял, Юрино районлаште корно туткар-влак шукемыныт.