Пенсий Фонд пенсий да социал выплате-влакым дистанционно палемда. Неле эпидемиологический ситуацийлан кӧра июль мучаш марте онлайн йӧн дене документым пуымашым шуеныт. Пенсийым кызыт шукыж годым электрон йодмаш дене палемдат. Тудым Пенсий Фондын сайтын личный кабинет да «Госуслуги» портла гоч пуаш лиеш. Тыгай йодмаш-влак 70 процентышке шуэш. Пенсий фондын территориальный пӧлкаже-влак пенсийым палемдаш темлымашым телефон денат налыт. Тидым лӱмын актыште ужаш лиеш. Тыгодым илалше-влаклан ешарен каласена, теат кугырак ийготан-влаклан шижтарыза: пенсий фонд пашаеҥ-влак СНИЛС, личный кабинет дечын пароль, банк картым, тудын ПИН кодшым огыт йод. Тыгай данныйым мошенник-влак веле йодын кертыт.
Комментариев: 0