Регион вуйлатыше Александр Евстифеев коронавирус инфекцийым шижтарыме шотышто совещанийым эртарен. Кугурак ийготан-влаклан вакцинаций поснак кӱлеш, молан манаш гын, илалше-влакын вес черыштат шуко, а нуно «Ковид» дене черланымеке, нелын эртен кертыт. Тазалыкаралтыш министр Марина Панькова палдарен: пытартыш арняште ковид дене черланымаш шукемеш, йоча-влак коклаште черланыше-влак утларакын улыт. Пайрем кечылаште йоча отделенийыште койко вер-влакым 35 марте шагалемденыт, тачысе кечын 90% икшыве-влак эмлалтыт. Тыгодым республикыште аралтыш средство, эм препарат-влак ситышын улыт.
Роспотребнадзор палдара: кушкыжмын Йошкар-Олаште кум еҥын коронавирус инфекцийын у «Омикрон» штаммже пенгыдемдалтын. Санитар врач-влак тидын шотышто тергымаш да профилактике пашам эртареныт. Нине еҥ-влакын черлынымашышт ОРВИ семын эрта.
Черланыше-влакын шукеммыштлан кора, «122» службо еҥ-влаклан медучрежедний-влак дене кылым ышташ полша. Тыгак тушко йынгыртен, вакцинаций, черын профилактикыже нерген пален налаш лиеш.
Комментариев: 0