Килемар районысо Юксар селаште 30 верлан пришкольный интернатым ыштат. Туштак пищеблок лиеш. Тидын нерген регион вуйлатыше А.Евстифеев школышко миен коштмыж годым увертарен. Юксар школышто 43 икшыве шинчымашым пога, шукынжо воктенсе ял да села гыч толыт, 22 йоча интернатыште ила. Ты марте тушто пищеблок лийын огыл, столовый 1982 ийыште чоҥымо оралтыште верланен. Йоча-влак посна верланыше пу зданийыште иленыт. Тидым шотышко налын, пристройым ышташ йодыш лектын. Тудым школ дене ушат, туштак пищеблок лиеш. Проект 58 млн теҥгешке шуэш. Вес ийын школышто «Образований» национальный проект дене спортзалым эше олмыкташ палемдат.
Комментариев: 0