Килемар районысо Визимьярыште 50 верлан у йочасадым ыштеныт. Тудо сентябрьыште почылтшаш. Йочасадым школ воктене пристрой шот дене чоҥеныт. Тидлан 50 млн теҥге ойыралтын. Йоча-влакын толмыштлан чыла гаяк ямде: музыкальный зал, пищеблок, мебель. Уремыште жапым эртараш мотор йоча площадке. Объектым эксплуатацийышке сдатлыме дечын ончыч регион вуйлатыше А.Евстифеев чоҥен шуктымо тӧнежым ончалын, школын вуйлатышыже да пашам шуктышо организацийын ончылъеҥже дене мутланен. «Демографий» национальный проектын кугыжаныш программыже дене келшышын республикыште у йочасадым чоҥат. Кодшо ийын 1165 верым ыштеныт. Тений эше 1010 верлан 4 йоча тӧнежым ыштен шуктат.
Комментариев: 0