12:02, 14-07-2020Йӱмӧ вӱд яндаррак лиеш

«Экологий» национальный проектын «Яндар вӱд» проектше дене республикыште 2024 ий марте вӱд пуч-влакым шотышко кондат. Кодшо ийын, мутлан, Килемар поселкышто водопроводым ыштеныт. Тений Медведево районышто пашам шуктышаш улыт. Роспотребнадзор виктем палдара: федерал проектым илышышке пуртымеке, 2024 ий марте республикыште 94% кумдыкышто вӱд - пуч дене толаш тӱҥалеш. 2019 ийым иктешлен ончалаш гын, тидыже 90% шуын.