Шокшо игечыште чодыра пожар лийын кертме лӱдыкшӧ шукемеш. Республикыште 13 июльлан 20 тулазап лийын. Тул 6 гектар ужар кумдыкым авалтен. Звенигово районысо чодыралаште 6 гана тул ылыжын, Юрино районышто 5 гана, Медведево, Курыкмарий, Килемар, Морко да Параньга районышто. Кок чодыра пожар «Марий чодра» национальный паркын кумдыкыштыжо ылыжын. Чыла пожар гыч кокытшо - кӱдырчылан кӧра тӱҥалын, молышто айдеме титакан. Пӱртӱс ресурс министерстве палдара: чодыра пожар тӱҥалмым шекланен улыда гын, министерствын диспетчер службышкыжо (8362)56-65-35, але «Чодыра охранын вияш линийышке» - 8-800-100-94-00 номер дене йыҥгыртыза.
Комментариев: 0