Марий Эл Телерадио » Марий Эл Радио » Марий Эл вуйлатыше Александр Евстифеев да Нижегородский областьын губернаторжо Глеб Никитин тӱвыра,сымыктыш да туризм шотышто келшымойым пеҥгыдемденыт

09:10, 12-04-2022Марий Эл вуйлатыше Александр Евстифеев да Нижегородский областьын губернаторжо Глеб Никитин тӱвыра,сымыктыш да туризм шотышто келшымойым пеҥгыдемденыт

Марий Эл вуйлатыше Александр Евстифеев да Нижегородский областьын губернаторжо Глеб Никитин  тӱвыра, сымыктыш да туризм шотышто келшымойым пеҥгыдемденыт. Кок регионышто турист-влакым вашлийме, тӱвыра поянлыкым аралыме нерген мутланеныт. Кок ий ончыч «Нижний Новгород-Йошкар-Ола» Р-177 кугорным федерал погышко кусарыме. Тудо Марий Эл да Угарманым уша. Тиде корно кок регионлаште турист-влакым шукемдаш полша. У келшымой моло сферыштат вашкылым пеҥгыдемда. Тыге, «Волжский путь» маршрутлан у шӱлышым пуымо нерген ойленыт. Нижний Новгород гыч навигаций лишыл жапыште почылтеш, тудо Марий Эл да Чуваший могырышко эрта, тыгодым турист-влаклан Юрино поселко да Шереметев замокын сылнылыкшым ончаш йӧн лиеш. Турист-влакым шукемдаш Козьмодемьянскыште пассажир причалым чоҥымашат полша. Тудым тений ышташ тӱҥалыт. Тидлан федерал бюджет гыч 230 миллион теҥге ойыралтеш. Тыгак 2021 ий гыч Марьино-Юрино корным тӧрлат. Кодшо ийын 16 километрым, тений 9 километрыште пашам шуктышаш улыт. Сымыктыш нерген ойлаш гын, Шереметев замокышто ончыч улшо южо сӧрастарыме арвер да тӱрлӧ ӱзгар-влак Нижегородский кугыжаныш тоштер-заповедникыште аралалтыт, ончыкыжым усадьбыште тиде экспозицийымат ончыкташ шонымаш уло.

Просмотров 672
    • Нравится
    • 0
Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментариев: 0

Добавить комментарий